«QazaqGaz» ۇك» اق ەنشٸلەس ۇيىمى – «QazaqGaz Aimaq» اق 2026–2027 جىلدارداعى كٷزگٸ-قىسقى كەزەڭگە گاز تاراتۋ جٷيەلەرٸن دايىنداۋ جۇمىستارىن جالعاستىرىپ جاتىر. قازٸرگٸ تاڭدا جوسپارلانعان ٸس-شارالاردىڭ ورىندالۋ دەڭگەيٸ 34%-عا جەتتٸ, دەپ حابارلايدى dalanews.kz.
«دايىندىق جۇمىستارى گاز تاراتۋ جەلٸلەرٸنٸڭ 77 مىڭ شاقىرىمنان استامىن جەنە گاز شارۋاشىلىعىنىڭ 287 مىڭنان استام نىسانىن قامتيدى. الداعى جىلىتۋ ماۋسىمىندا تۇتىنۋشىلاردى سەنٸمدٸ ەرٸ قاۋٸپسٸز گازبەن قامتاماسىز ەتۋ ماقساتىندا جۇمىستارعا ٶندٸرٸستەگٸ 5 مىڭنان استام قىزمەتكەر جۇمىلدىرىلعان», - دەدٸ «QazaqGaz Aimaq» اق ٶندٸرٸستٸك-تەحنيكالىق دەپارتامەنتٸنٸڭ ديرەكتورى اسقار قوناقباەۆ.
دايىندىق اياسىندا گاز رەتتەۋ پۋنكتتەرٸنە اعىمداعى جٶندەۋ جۇمىستارى جٷرگٸزٸلٸپ, اجىراتقىش قۇرىلعىلارعا تەحنيكالىق قىزمەت كٶرسەتٸلۋدە. سونىمەن قاتار ەلەكتروحيمييالىق قورعانىس قۇرالدارى جٶندەلٸپ, گاز قۇبىرلارىنا اسپاپتىق تەكسەرۋلەر جٷرگٸزٸلۋدە.
كومپانييا گاز تاراتۋ ينفراقۇرىلىمىنىڭ سەنٸمدٸلٸگٸن ارتتىرۋعا ەرەكشە نازار اۋدارىپ وتىر. بيىل گاز قىسىمىنىڭ تٶمەندەۋ سەبەپتەرٸن جويۋعا, سونداي-اق تاراتۋ جەلٸلەرٸندەگٸ اپاتتار مەن تٷرلٸ وقىس وقيعالاردىڭ الدىن الۋعا باعىتتالعان 227 ٸس-شارا ٸسكە اسىرىلۋدا.
ولاردىڭ قاتارىندا گاز قۇبىرلارىن ساقينالاۋ, قوسىمشا شكافتىق گاز رەتتەۋ پۋنكتتەرٸن ورناتۋ, قىسىم رەتتەگٸشتەرٸن جاڭارتۋ جەنە گاز قۇبىرلارىنىڭ جەكەلەگەن ۋچاسكەلەرٸنٸڭ ٶتكٸزۋ قابٸلەتٸن ارتتىرۋ ماقساتىندا ديامەترٸن ۇلعايتۋ جۇمىستارى بار.
تۇتىنۋشىلاردىڭ قاۋٸپسٸزدٸگٸن قامتاماسىز ەتۋ كومپانييا قىزمەتٸنٸڭ باسىم باعىتتارىنىڭ بٸرٸ بولىپ قالا بەرەدٸ. وسىعان بايلانىستى تۇرمىستا گازدى قاۋٸپسٸز پايدالانۋ مەدەنيەتٸن قالىپتاستىرۋعا باعىتتالعان اۋقىمدى اقپاراتتىق-تٷسٸندٸرۋ جۇمىستارى جٷرگٸزٸلۋدە.
ٶتكەن جىلىتۋ ماۋسىمىندا رەسپۋبليكالىق جەنە ٶڭٸرلٸك تەلەارنالاردا 580-نەن استام بەينەروليك كٶرسەتٸلدٸ. سونىمەن قاتار جەرگٸلٸكتٸ اتقارۋشى ورگاندارمەن جەنە تٶتەنشە جاعدايلار قىزمەتتەرٸمەن بٸرلەسٸپ 470-تەن استام پروفيلاكتيكالىق رەيد ۇيىمداستىرىلىپ, بۇقارالىق اقپارات قۇرالدارىندا 300-گە جۋىق ماتەريال جارييالاندى. حالىق اراسىندا 130 مىڭنان استام جادىناما تاراتىلدى.
سونداي-اق قازاقستان رەسپۋبليكاسى تٶتەنشە جاعدايلار مينيسترلٸگٸمەن بٸرلەسٸپ, گازدى قاۋٸپسٸز پايدالانۋ مەدەنيەتٸن ارتتىرۋ ماقساتىندا 112 قىزمەتٸ ارقىلى اپتا سايىن SMS-حابارلامالار جٸبەرۋ ۇيىمداستىرىلدى.
«قاۋٸپسٸزدٸك دەڭگەيٸن ارتتىرۋ جەنە گازدىڭ شىعۋ ورىندارىن دەر كەزٸندە انىقتاۋ ماقساتىندا «QazaqGaz Aimaq» اق زاماناۋي موبيلدٸ دياگنوستيكالىق كەشەندەردٸ بەلسەندٸ قولدانۋدا. جىل باسىنان بەرٸ «دلس پەرگام» موبيلدٸ زەرتحاناسىنىڭ كٶمەگٸمەن 5 595 شاقىرىم گاز تاراتۋ جەلٸسٸ تەكسەرٸلدٸ. تەكسەرۋ نەتيجەسٸندە 104 گاز شىعۋ دەرەگٸ انىقتالىپ, تولىقتاي جويىلدى», - دەپ اتاپ ٶتتٸ اسقار قوناقباەۆ.
سونىمەن قاتار ەلدٸ مەكەندەردٸ گازداندىرۋ جوبالارى كەزەڭ-كەزەڭٸمەن جٷزەگە اسىرىلۋدا. استانا قالاسىندا گازداندىرۋدىڭ بٸرٸنشٸ جەنە ەكٸنشٸ كەزەڭدەرٸ تولىق اياقتالىپ, ٷشٸنشٸ كەزەڭ بويىنشا جۇمىستار جالعاسىپ جاتىر. بارلىق كەزەڭ اياقتالعاننان كەيٸن ەلورداداعى شامامەن 300 مىڭ تۇرعىن تابيعي گازعا قول جەتكٸزەدٸ. بٷگٸندە گاز قالانىڭ نەگٸزگٸ ەنەرگەتيكالىق ينفراقۇرىلىم نىساندارىنا, سونىڭ ٸشٸندە جەو-1, جەو-2, جەو-3 جەنە گاز جىلۋ ستانتسييالارىنا جەتكٸزٸلگەن.
قوسشى قالاسىندا دا گازداندىرۋ جوباسى كەزەڭ-كەزەڭٸمەن ٸسكە اسىرىلۋدا. بٸرٸنشٸ ٸسكە قوسۋ كەشەنٸ پايدالانۋعا بەرٸلگەننەن كەيٸن 8 مىڭعا جۋىق ابونەنت تابيعي گازعا قوسىلۋ مٷمكٸندٸگٸنە يە بولدى. ال 2026 جىلى كەلەسٸ كەشەندەردٸ ٸسكە قوسۋ نەتيجەسٸندە قوسىمشا 10 مىڭنان استام تۇتىنۋشى كٶگٸلدٸر وتىنمەن قامتىلادى.
اقمولا وبلىسىندا دا اۋقىمدى جۇمىستار اتقارىلىپ جاتىر. سوڭعى جىلدارى ارشالى جەنە تسەلينوگراد اۋداندارىنداعى ونداعان اۋىل مەن ەلدٸ مەكەن تابيعي گازعا قوسىلدى. 2026–2027 جىلدارى ٶڭٸردەگٸ گاز ينفراقۇرىلىمىن ودان ەرٸ كەڭەيتۋ جوسپارلانىپ وتىر. بۇل جاڭا ەلدٸ مەكەندەردٸ ەكولوگييالىق تازا ەرٸ قولايلى ەنەرگييا كٶزٸمەن قامتاماسىز ەتۋگە مٷمكٸندٸك بەرەدٸ.
«QazaqGaz Aimaq» اق جىلىتۋ ماۋسىمى كەزەڭٸندە ەلٸمٸزدٸڭ بارلىق ٶڭٸرٸندەگٸ تۇتىنۋشىلاردى سەنٸمدٸ, قاۋٸپسٸز جەنە ٷزدٸكسٸز گازبەن قامتاماسىز ەتۋ باعىتىنداعى جٷيەلٸ جۇمىستاردى جالعاستىرۋدا.
