كينوستۋدييا باسشىسى ازامات ساتىبالدى دا ەلەۋمەتتٸك جەلٸدە قىتاي اۆتوكٶلٸكتەرٸن جارنامالاپ جٷرگەنٸ بەلگٸلٸ. كٶلٸكتەردٸڭ قاپتا تۇرۋىنا رۇقسات بەرگەن كينوستۋدييا باسشىسى ازامات ساتىبالدىنىڭ ەرەكەتٸ ەرٸپتەستەرٸنٸڭ شىمبايىنا باتقانداي.
اكتەر قۋاندىق دٷيسەنباەۆ العاشقىلاردىڭ بٸرٸ بولىپ ەلەۋمەتتٸك جەلٸدە ٷندەۋ جاساعان. شەكەن ايمانوۆ اتىنداعى قارا شاڭىراقتىڭ ونسىز دا حەلٸ مٷشكٸل كەزدە اۋماعىن وڭدى-سولدى پايدالانۋ قيسىنعا كەلمەيدٸ دەپ كٷرسٸنەدٸ.
“ەر جٸگٸت ەر جٸگٸتتٸ داتتامايدى, كٷندەمەيدٸ. مەن ازامات ساتىبالدىنىڭ ارتىنا تٷسٸپ العان ازامات ەمەسپٸن. ٶزٸم وسى كينوستۋدييادا 12 جىلداي قىزمەت ەتەمٸن. قازٸرگٸ كينوستۋدييانىڭ جاعدايى مٷشكٸل بولىپ تۇر. وعان تٸكەلەي باسشى كٸنەلٸ. پاۆيلوننىڭ باعاسىن 250 پايىزعا كٶتەرٸپ جٸبەردٸ. بۇرىن 200 مىڭ تەڭگە ەدٸ, قازٸر 750 مىڭ تەڭگە بولدى. ال جالعا الۋدا شارشى مەترٸن 100 پايىزعا كٶتەردٸ”, – دەدٸ اكتەر قۋاندىق دٷيسەنباەۆ.
ينستاگرامىندا 700 مىڭعا جۋىق وقىرمانى بار ساتىبالدى قىتاي كٶلٸكتەرٸن ساتىپ الۋعا قاتىستى سوڭعى ۋاقىتتا جيٸ ستوريس سالىپ, پوست جارييالاپ جٷر.
“بٸلدەي باسشى. ٷلكەن باسشى اۆتوكٶلٸك جارنامالاپ جٷر. كينوستۋدييانىڭ شتاتتاعى ازاماتتاردىڭ 20-30 پايىزىن اقىسىز دەمالىسقا جٸبەردٸ. سەبەبٸ اقشا جوق دەيدٸ. بٸراق كينوعا قاتىسى جوق, ٶندٸرٸستە جۇمىس ٸستەمەگەن ازاماتتاردى ٶزٸنٸڭ كومانداسىنا الىپ كەلدٸ. قازٸر ۆيتسە-پرەزيدەنت نازىم ەسەنبەكوۆنا دەگەن كٸسٸ وتىر. كينودا بٸر مينۋت تا جۇمىس ٸستەمەگەن. بۇل كٸسٸنٸڭ ساياساتى, جالپى ٶسٸرمەۋ, كينوستۋدييانى ٶشٸرۋ عوي دەيمٸن”, – دەدٸ اكتەر.
ازامات ساتىبالدى بوس تۇرعان عيماراتتى جالعا بەرگەنٸن راستادى. الايدا "ول كٶلٸكتەر ساتىلمايدى, تاكسوپارككە تيەسٸلٸ" دەيدٸ. مۇنداي قادامعا بارۋىنا قاراماعىنداعى 178 ادامنىڭ جالاقىسىن تٶلەۋٸ تٷرتكٸ دەيدٸ. راسىندا, كينوستۋدييانىڭ بيۋدجەتٸ تاپشى ەكەنٸن مويىندادى.
“قازاقفيلمنٸڭ" پرەزيدەنتٸ رەتٸندە مەنٸڭ باستى مٸندەتٸم — 178 ادامنىڭ ايلىعىن تاۋىپ بەرۋ. جالعا بەرەمٸن بە, ٶزٸمدٸ ساتامىن با, جوق ەلدە باسقا دا جۇمىس ٸستەيمٸن بە, مەنٸڭ مٸندەتٸم. سوندىقتان دا بارىنشا وسىنداي جۇمىستار ارقىلى 178 ادامنىڭ ايلىعىن تاۋىپ بەرۋٸم كەرەك. بۇل – كەدٸمگٸ تاكسوپارك. بۇل جەردە ەشقانداي دا كٶلٸك ساتىلمايدى. بۇل اۆتوسالون ەمەس”, – دەپ مەلٸمدەدٸ "قازاقفيلم" اق پرەزيدەنتٸ ازامات ساتىبالدى.
الايدا ول كەلٸسٸمشارتقا وتىرعان كومپانييادان "قازاقفيلم" بيۋدجەتٸنە قانشا اقشا تٷسەتٸنٸن جاۋاپسىز قالدىردى. "زاڭعا قايشى ەشنەرسە جوق" دەيدٸ.
