Kinostýdiia basshysy Azamat Satybaldy da áleýmettik jelide qytai avtokólikterin jarnamalap júrgeni belgili. Kólikterdiń qapta turýyna ruqsat bergen kinostýdiia basshysy Azamat Satybaldynyń áreketi áriptesteriniń shymbaiyna batqandai.
Akter Qýandyq Dúisenbaev alǵashqylardyń biri bolyp áleýmettik jelide úndeý jasaǵan. Sháken Aimanov atyndaǵy qara shańyraqtyń onsyz da háli múshkil kezde aýmaǵyn ońdy-soldy paidalaný qisynǵa kelmeidi dep kúrsinedi.
“Er jigit er jigitti dattamaidy, kúndemeidi. Men Azamat Satybaldynyń artyna túsip alǵan azamat emespin. Ózim osy kinostýdiiada 12 jyldai qyzmet etemin. Qazirgi kinostýdiianyń jaǵdaiy múshkil bolyp tur. Oǵan tikelei basshy kináli. Pavilonnyń baǵasyn 250 paiyzǵa kóterip jiberdi. Buryn 200 myń teńge edi, qazir 750 myń teńge boldy. Al jalǵa alýda sharshy metrin 100 paiyzǵa kóterdi”, – dedi akter Qýandyq Dúisenbaev.
Instagramynda 700 myńǵa jýyq oqyrmany bar Satybaldy qytai kólikterin satyp alýǵa qatysty sońǵy ýaqytta jii storis salyp, post jariialap júr.
“Bildei basshy. Úlken basshy avtokólik jarnamalap júr. Kinostýdiianyń shtattaǵy azamattardyń 20-30 paiyzyn aqysyz demalysqa jiberdi. Sebebi aqsha joq deidi. Biraq kinoǵa qatysy joq, óndiriste jumys istemegen azamattardy óziniń komandasyna alyp keldi. Qazir vitse-prezident Nazym Esenbekovna degen kisi otyr. Kinoda bir minýt ta jumys istemegen. Bul kisiniń saiasaty, jalpy ósirmeý, kinostýdiiany óshirý ǵoi deimin”, – dedi akter.
Azamat Satybaldy bos turǵan ǵimaratty jalǵa bergenin rastady. Alaida "ol kólikter satylmaidy, taksoparkke tiesili" deidi. Mundai qadamǵa barýyna qaramaǵyndaǵy 178 adamnyń jalaqysyn tóleýi túrtki deidi. Rasynda, kinostýdiianyń biýdjeti tapshy ekenin moiyndady.
“Qazaqfilmniń" prezidenti retinde meniń basty mindetim — 178 adamnyń ailyǵyn taýyp berý. Jalǵa beremin be, ózimdi satamyn ba, joq álde basqa da jumys isteimin be, meniń mindetim. Sondyqtan da barynsha osyndai jumystar arqyly 178 adamnyń ailyǵyn taýyp berýim kerek. Bul – kádimgi taksopark. Bul jerde eshqandai da kólik satylmaidy. Bul avtosalon emes”, – dep málimdedi "Qazaqfilm" AQ prezidenti Azamat Satybaldy.
Alaida ol kelisimshartqa otyrǵan kompaniiadan "Qazaqfilm" biýdjetine qansha aqsha túsetinin jaýapsyz qaldyrdy. "Zańǵa qaishy eshnárse joq" deidi.
