بۇل تۋرالى 23 قاراشا كۇنى قىتايدىڭ سيان قالاسىندا وتكەن قازاقستان-قىتاي ب ا ق وكىلدەرىنىڭ فورۋمىندا «باتىس جۇڭگو فيلم» ستۋدياسىنىڭ باس مەنەدجەرى جاۋ ۆەنتاۋ ءمالىم ەتكەن. قىتايلىق news.sina.com سايتىنىڭ حابارلاۋىنشا، فورۋمدا جاۋ ۆەنتاۋ ءۇشىنشى حالىقارالىق "جىبەك جولى" كينوفەستيۆالى اياسىندا شاكەن ايمانوۆ اتىنداعى "قازاقفيلم" اق مەن "باتىس جۇڭگو كينوسى" كورپوراسياسى سەرىكتەستىك تۋرالى مەموراندۋمعا قول قويىلعاندىعىن، سونداي-اق ول مەموراندۋمنىڭ ەكى ەلدىڭ مادەنيەت، كينو، تەليەۆيدەنيە سالاسىنداعى ىنتىماقتاستىعىنا وڭ وزگەرىستەر اكەلگەندىگىن ايتا كەلىپ، تاراپتاردىڭ العاشقى بىرلەسكەن جوباسى – «ماحاببات وتكەلدەرى» ءفيلمى تۇسىرىلەتىندىگىن جەتكىزدى.
قىتايعا تيگەن قازاقستاندىق قىز، ءفيلمنىڭ سەناريسى ءارى باس كەيىپكەردىڭ ءپروتوتيپى سوفيا ۇشىروۆانىڭ ايتۋىنشا، تۋىندى، رومانتيكالىق كومەديا جانرىنداعى فيلم بولماق. وندا، قازاقستاندىق زاڭگەر قىزبەن قىتايلىق كاسىپكەر جىگىت اراسىنداعى ماحاببات حيكاياسى باياندالادى. ايتا كەتەيىك، 1958 جىلى «باتىس جۇڭگو كينوسى» كينوكومپانياسىنىڭ نەگىزى قالاندى. ول – قىتايداعى 4 ءىرى مەملەكەتتىك كومپانيانىڭ ءبىرى. كورپوراسيا حالىقارالىق كينوفەستيۆالدەردە تانىمال. قىتايلىق كينوستۋديادا 1000-نان استام كوركەم فيلم ءتۇسىرىلىپ، ولار 70-تەن استام حالىقارالىق سىيلىققا يە بولدى.
