الماتىداعى "جاڭا عاسىر" تەاترىنا قازاق تەاتر جەنە كينو ٶنەرٸنٸڭ كٶرنەكتٸ ٶكٸلٸ, كسرو جەنە قازاقستاننىڭ حالىق ەرتٸسٸ اسانەلٸ ەشٸموۆتٸڭ ەسٸمٸ بەرٸلدٸ. ەندٸ مەدەنيەت وشاعى رەسمي تٷردە اسانەلٸ ەشٸموۆ تەاترى دەپ اتالادى, دەپ حابارلايدى dalanews.kz.
بۇل شەشٸم بەلگٸلٸ اكتەردٸڭ شىعارماشىلىق مۇراسىن ۇلىقتاپ, ونىڭ ۇلتتىق تەاتر مەن كينو ٶنەرٸنە قوسقان ٷلەسٸن كەيٸنگٸ بۋىنعا كەڭٸنەن تانىتۋعا باعىتتالعان.
اسانەلٸ ەشٸموۆ ۇزاق جىلدار بويى ساحنا مەن ەكراندا جارقىن وبرازدار سومداپ, اكتەر عانا ەمەس, رەجيسسەر, ستسەناريست جەنە ۇستاز رەتٸندە دە قازاق مەدەنيەتٸندە ايرىقشا ٸز قالدىردى.
جاڭاشا اتاۋعا يە بولعان تەاتر الداعى ۋاقىتتا دەستٷرلٸ ٶنەر مەن زاماناۋي باعىتتاردى ساباقتاستىرىپ, كٶرەرمەنگە مازمۇندى قويىلىمدار ۇسىنۋدى كٶزدەيدٸ.
ايتا كەتەيٸك, اسانەلٸ ەشٸموۆ 2025 جىلعى 21 جەلتوقساندا 88 جاسىندا ٶمٸردەن ٶتتٸ.
ول 1937 جىلدىڭ 8 مامىرىندا جامبىل وبلىسىندا دٷنيەگە كەلگەن. شىعارماشىلىق جولىن مۇحتار ەۋەزوۆ اتىنداعى قازاق ۇلتتىق دراما تەاترىندا باستاپ, كەيٸن قازاق تەاتر جەنە كينو ٶنەرٸنٸڭ ەڭ بەدەلدٸ تۇلعالارىنىڭ بٸرٸنە اينالدى.
اسانەلٸ ەشٸموۆ "اتاماننىڭ اقىرى", "ترانسسٸبٸر ەكسپرەسٸ" سەكٸلدٸ تانىمال فيلمدەردەگٸ رٶلدەرٸ ارقىلى كٶرەرمەن جادىندا قالدى.
ونىڭ ەسٸمٸنٸڭ تەاترعا بەرٸلۋٸ – ٶنەر يەسٸنٸڭ مول مۇراسىن ساقتاپ, ۇلتتىق مەدەنيەت تاريحىنداعى ورنىن تاعى بٸر مەرتە ايقىنداعان ماڭىزدى شەشٸم.
