Almatydaǵy "Jańa ǵasyr" teatryna qazaq teatr jáne kino óneriniń kórnekti ókili, KSRO jáne Qazaqstannyń halyq ártisi Asanáli Áshimovtiń esimi berildi. Endi mádeniet oshaǵy resmi túrde Asanáli Áshimov teatry dep atalady, dep habarlaidy dalanews.kz.
Bul sheshim belgili akterdiń shyǵarmashylyq murasyn ulyqtap, onyń ulttyq teatr men kino ónerine qosqan úlesin keiingi býynǵa keńinen tanytýǵa baǵyttalǵan.
Asanáli Áshimov uzaq jyldar boiy sahna men ekranda jarqyn obrazdar somdap, akter ǵana emes, rejisser, stsenarist jáne ustaz retinde de qazaq mádenietinde airyqsha iz qaldyrdy.
Jańasha ataýǵa ie bolǵan teatr aldaǵy ýaqytta dástúrli óner men zamanaýi baǵyttardy sabaqtastyryp, kórermenge mazmundy qoiylymdar usynýdy kózdeidi.
Aita keteiik, Asanáli Áshimov 2025 jylǵy 21 jeltoqsanda 88 jasynda ómirden ótti.
Ol 1937 jyldyń 8 mamyrynda Jambyl oblysynda dúniege kelgen. Shyǵarmashylyq jolyn Muhtar Áýezov atyndaǵy Qazaq ulttyq drama teatrynda bastap, keiin qazaq teatr jáne kino óneriniń eń bedeldi tulǵalarynyń birine ainaldy.
Asanáli Áshimov "Atamannyń aqyry", "Transsibir ekspresi" sekildi tanymal filmderdegi rólderi arqyly kórermen jadynda qaldy.
Onyń esiminiń teatrǵa berilýi – óner iesiniń mol murasyn saqtap, ulttyq mádeniet tarihyndaǵy ornyn taǵy bir márte aiqyndaǵan mańyzdy sheshim.
