«Seeds for the Future» باعدارلاماسىنا قاتىسۋشىلاردى ماراپاتتاۋ ءراسىمى الماتى قالاسىندا ءوتتى.
بۇل – جوبا جاس ستۋدەنتتەردىڭ اكت مەن جوعارى تەحنولوگيالار سالاسىنداعى دايىندىعىن كۇشەيتىپ، ءبىلىم كوكجيەگىن كەڭەيتۋگە باعىتتالعان.
Huawei كومپانياسى ءوزىنىڭ حالىقارالىق باعدارلاماسى ارقىلى جاس قازاقستاندىق مامانداردىڭ جاساندى ينتەللەكت، 4G جانە 5G تەحنولوگيا، بۇلتتى ەسەپتەۋ، ينتەرنەت سالاسى بويىنشا بىلىمدەرىن كەڭەيتۋگە جول اشتى.
سونىمەن قاتار، جوباعا بەلسەنە قاتىسقان جاستار ارنايى سەرتيفيكاتتار مەن ەستەلىك سىيلىقتاردى دا تابىس ەتتى.
Huawei كومپانياسى «Seeds for the Future» باعدارلاماسىن 2018 جىلدان بەرى ۇزبەي ۇيىمداستىرىپ كەلەدى. باعدارلاما قازاقستاننىڭ IT سالاسىن قالىپتاستىرۋعا بارىنشا ىقپال ەتىپ وتىرعان ماڭىزدى جوبا.
ءدال ءقازىر ەلىمىزدەگى سيفرلاندىرۋ سالاسىنىڭ ءورىسىن كەڭەيتۋ ءۇشىن IT سالاسى بويىنشا جوعارى بىلىكتى ماماندار دايىنداۋدىڭ ماڭىزى زور. سونىمەن قاتار قازاقستاندا اكت سالاسىندا مەڭگەرگەن جاستاردىڭ شوعىرىن قالىپتاستىرۋ ءىسى Huawei كومپانياسىنىڭ بۇل باعىتتاعى جۇمىستارىنا ستيمۋل بولعانىن اتاپ ايتۋىمىز كەرەك.
– بۇگىندە IT-يندۋستريا سالاسىنىڭ ماڭىزى ارتىپ كەلەدى. بۇل – سالا كەز كەلگەن ماماننان اسقان بىلىكتىلىكتى تالاپ ەتەدى. بۇگىندە ەڭبەك نارىعى دا مامانداردان ءوزىن ۇدايى دامىتىپ، زامان تالابىنا ساي بولۋدى تالاپ ەتۋدە. سوندىقتان بىزدەر كۇندەلىكتى ومىردە جوعارى بىلىكتى مامانداردى كوپتەپ دايارلاۋعا كۇش سالۋدامىز.
وسى رەتتە ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى اتىنان Huawei كومپانياسىنا «Seeds for the Future» باعدارلاماسىن ۇيىمداستىرعانىنا ريزاشىلىق بىلدىرەمىز. باعدارلاماعا قاتىسۋشىلاردىڭ ماڭىزدى يدەيالارى الداعى ۋاقىتتا ەلىمىزدىڭ دامۋىنا ىقپال ەتەتىنە سەنىمدىمىن، – دەدى ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ اقپاراتتىق جانە اقپاراتتىق-كوممۋنيكاسيالاردى دامىتۋ دەپارتامەنتىنىڭ ديرەكتورى ەرسۇلتان ەرمانوۆ.
ونلاين-وقۋ بارىسىندا الەمگە تانىمال جەتەكشى ماماندار قازاق جاستارىمەن وزدەرىنىڭ ىس-تاجىريبەسىن (5G، بۇلتتى تەحنولوگيالار جانە جاساندى ينتەللەكت ت.ب.) بولىسكەنىن ايتا كەتۋىمىز كەرەك.
Huawei كومپانياسى مامانداردى دايىنداۋ بارىسىندا ولاردىڭ وسىعان دەيىن العان تەوريالىق ءبىلىمىن ۇشتاپ قانا قويماي، سونىمەن قاتار اكت سالاسىنا اسا قاجەت ىس-تاجىريبەلەردى مەڭگەرۋىنە مۇمكىندىك تۋعىزدى.
– بۇگىندە قازاقستاننىڭ IT-سالاسى قارقىندى دامىپ، الەمدىك ۇردىستەرگە ىلەسۋدە. وسى رەتتە ءبىزدىڭ جاس ستۋدەنتتەردىڭ الدىڭعى قاتارلى تەحنولوگيالاردى قولدانىپ، ولارمەن جۇمىس ماڭىزدى.
IT-گە قىزىعاتىن قازاق جاستارى Huawei كومپانياسىندا ىس-تاجىريبەدەن ءوتىپ، بىلىمدەرىن شىڭداۋى ءۇشىن كەز كەلگەن ۋاقىتتا ءوتىنىش بەرە الادى.
ءبىزدىڭ كومپانيانىڭ تالانتتى جاستار ءۇشىن ءارقاشان ەسىگى اشىق، ءارى جاستاردىڭ يدەياسىنا ۇدايى قولداۋ كورسەتەتىن بولادى، – دەدى Huawei Technologies Kazakhstan باس ديرەكتورى اپپاراتىنىڭ جەتەكشىسى فاريدا تولەۋبايەۆا.
«Seeds for the Future» باعدارلاماسىنىڭ ىشىندەگى Tech4Good توپتىق بايقاۋ جوباسىنا (تەحنولوگيا حالىقتىڭ قامى ءۇشىن، رەد) قاتىسۋشىلار ەلدەگى الەۋمەتتىك ماسەلەلەردىڭ ءتۇيىنىن تارقاتىپ، وعان قاتىستى تەحنيكالىق ماسەلەلەردى شەشۋگە كۇش سالادى.
بيىل بايقاۋعا قاتىسۋشىلار ەكولوگيا مەن قورشاعان ورتاعا قاتىستى جوبالارعا باسىمدىق بەرىپ، اقىلى تۇردە پلاستيك بوتەلكەلەردى قابىلدايتىن اپپاراتتىڭ كونسەپسياسىن جاساپ شىعاردى.
– ءبىز پلاستيك بوتەلكەلەردى قابىلدايتىن جوبا بويىنشا جۇمىس ىستەدىك. مۇنداي قۇرىلعىلار دامىعان ەلدەردە قولدانىسقا يە، ال قازاقستاندا مۇنداي اپپاراتتار جوق. سوندىقتان مۇنداي قۇرىلعى بىزدە ۇلكەن سۇرانىسقا يە.
بىزدەر بۇل جوبا ارقىلى اقشا تابۋدى كوزدەگەن جوقپىز.
ءبىزدىڭ ماقساتىمىز – قوعامدىق ومىرىمىزدە قورشاعان ورتانى قورعاپ، ەكولوگيانى ساقتاۋدى حالىق اراسىندا ناسيحاتتاۋ.
جاستارعا كرەاتيۆتى دۇنيەلەرمەن اينالىسۋعا مۇمكىندىك بەرگەن Huawei كومپانياسىنا العىس ايتامىز، – دەدى الماتى ەنەرگەتيكا جانە بايلانىس ۋنيۆەرسيتەتىنىڭ ستۋدەنتى كەمال سەيدۋالييەۆ.
Huawei كومپانياسىنىڭ «Seeds for the Future» باعدارلاماسى دۇنيەجۇزىندەگى ستۋدەنتتەردىڭ ءتۇرلى يننوۆاسيا مەن كوپتەگەن سالالاردىڭ دامۋىنا ىقپال ەتىپ وتىرعان اكت سالاسى بويىنشا بىلىكتىلىگىن كوتەرۋگە جول اشاتىن ماڭىزدى جوبا.
باعدارلاما تالانتتى جاستاردى قولداپ قانا قويمايدى، سونىمەن قاتار ءبىلىمىن شىڭداپ، بولاشاقتا مانسابىن جوعارلاتۋعا مۇمكىندىك تۋعىزادى. باعدارلاما بارىسىندا ءوزىن جاقسى قىرىنان كورسەتكەن ستۋدەنتتەر Huawei كومپانياسىندا ىس-تاجىريبەدەن ءوتىپ، ءتىپتى، ايگىلى كومپانياعا جۇمىسقا تۇرىپ كەتۋى دە مۇمكىن.
