«اۋىل» حدپپ وقو فيليالىندا ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن جاستارعا ءتۇسىندىرۋ باعىتىندا كەزدەسۋ ءوتتى. كەزدەسۋگە اۋدان، قالالاردان جاستار، «ينتەللەكت» ينكۋباتور قوعامدىق قورىنىڭ ءتوراعاسى، قازاقستانعا بەلگىلى بلوگەر نۇرلان جاناي جانە كىتاپ كلۋبتارىنىڭ ۇيلەستىرۋشىسى ماۋلەن جانبولات قاتىستى.



باعدارلامالىق ماقالادا «تابىستى بولۋدىڭ ەڭ ىرگەلى، باستى فاكتورى ءبىلىم ەكەنىن اركىم تەرەڭ ءتۇسىنۋى كەرەك. جاستارىمىز باسىمدىق بەرەتىن مەجەلەردىڭ قاتارىندا ءبىلىم ءاردايىم ءبىرىنشى ورىندا تۇرۋى شارت. سەبەبى، قۇندىلىقتار جۇيەسىندە ءبىلىمدى بارىنەن بيىكقوياتىن ۇلت قانا تابىسقا جەتەدى» دەگەن بولاتىن.

وسى باعىتتا نۇرلان جاناي «قازاق جاستارى قانداي بولۋ كەرەك» اتتى تاقىرىپتا ويىن ءبولىسىپ، الەۋمەتتىك جەلىدە قولدى بوس وتكىزبەي، ەلباسىنىڭ ءبىلىمدى دامىتۋداعى سوزدەرىمەن كومپيۋتەرلىك IT تەحنولوگياسىن جوعارى دارەجەدە مەڭگەرىپ، ءتىلدى دامىتۋ، سونىڭ ىشىندە اعىلشىن ءتىلىن مەڭگەرۋ قانشالىقتى قاجەت ەكەنىن جان-جاقتى تۇسىندىرسە، ماۋلەن جانبولات الەمنىڭ وزىق ەلدەرىمەن سالىستارعاندا بىزدەگى جاستاردىڭ كىتاپ وقۋ پايىزىنىڭ تومەندىگى مەن كىتاپ وقۋدىڭ جان-جاقتى پايداسىن ايتىپ ءوتتى.