ق ر وقۋ-اعارتۋ ءمينيسترى جۇلدىز سۇلەيمەنوۆا الماتىعا جۇمىس ساپارى بارىسىندا IT-ستارتاپ جەتەكشىلەرىمەن كەزدەسىپ، ۇلتتىق ءبىلىم بەرۋ پلاتفورمالارىن قالىپتاستىرۋ جايىن تالقىلادى، دەپ حابارلايدى Dalanews.kz
سالا ءمينيسترى گەيميفيكاسيا مەن جاساندى ينتەللەكتىنى ءساتتى قولدانىپ جۇرگەن Qalan ماتەماتيكالىق پلاتفورماسىن جاساۋشىلاردىڭ ازىرلەمەلەرمەن تانىستى. ۆەدومستۆو مۇعالىمدەر مەن وقۋشىلاردىڭ سيفرلىق داعدىلارىن دامىتۋعا جانە جاساندى ينتەللەكتىنى وقۋ پروسەسىنە ءتيىمدى ينتەگراسيالاۋعا مۇددەلى.
«Qazaq Digital Mektebi» جوباسىنىڭ نەگىزگى ماقساتى- جاراتىلىستانۋ-ماتەماتيكالىق جانە قوعامدىق-گۋمانيتارلىق باعىتتاعى پاندەردى جاساندى ينتەللەكت كومەگىمەن وقىتۋ. جوبا اياسىندا تاڭدالعان جاساندى ينتەللەكت كومەگىمەن جاسالعان جاڭا شەشىمدەر وقۋشىلارعا ماتەريالدى ءوز بەتىنشە يگەرۋگە مۇمكىندىك بەرىپ، ولاردى ءبىلىمدى بەلسەندى تۇتىنۋشىعا اينالدىرۋى قاجەت.
«ءبىز ءقازىر «Qazaq Digital Mektebi» جوباسى اياسىندا جاساندى ينتەللەكت سالاسىنداعى جوبالاردى سۇرىپتاپ جاتىرمىز. سوندىقتان ءتۇرلى وتاندىق وزىق پلاتفورما جاساۋشىلاردىڭ ۇسىنىستارىن قاراستىرۋعا دايىنبىز. جوبالار «Qazaq Digital Mektebi» جوباسىنىڭ مازمۇنىن بايىتىپ، وقۋشىلاردى ءبىلىمدى ءپاسسيۆتى تۇتىنۋشى ەمەس، بەلسەندى يگەرۋشىگە اينالدىرۋى كەرەك»، – دەدى سالا ءمينيسترى جۇلدىز سۇلەيمەنوۆا.
قازىرگى ۋاقىتتا مينيسترلىك جانىنان قۇرىلعان ارنايى جۇمىس توبى سيفرلىق دامۋ باعىتىنداعى زاڭناماعا تۇزەتۋلەر ازىرلەۋدە. توپ قۇرامىندا IT-ساراپشىلار، مەملەكەتتىك ورگان وكىلدەرى مەن تاۋەلسىز ماماندار بار. ولار بيىلعى جىلدىڭ ءبىرىنشى جارتىسىندا ءبىلىم بەرۋ سالاسىنداعى پيلوتتىق جوبالاردىڭ تيىمدىلىگىن باعالاپ، زاڭنامالىق جانە پراكتيكالىق ۇسىنىستار ازىرلەيتىن بولادى.
