رەسەيدەن قازاق ەدەبيەتٸ مەن باسپاسٶزٸ تاريحىنا قاتىستى قۇندى ولجا تابىلدى. قۋانىشتى حاباردى اقىن سەرٸكبول حاسان جەتكٸزدٸ. ايتۋىنشا, كٶرشٸ ەلگە بارعان ساپارىندا ول “ساداق” جۋرنالىن قاراستىرىپ جٷرٸپ, قولجازبا تٷردە جارىق كٶرگەن “بالاپاننىڭ” بٸر سانىن كەزدەستٸرگەن, دەپ حابارلايدى Dalanews.kz.
اقىننىڭ سٶزٸنشە, سٷيٸنشٸ جاڭالىقتى بەلگٸلٸ عالىم ديحان قامزابەككە ايتقاندا, ول بۇل دەرەك تۋرالى “ەگەمەن قازاقستان” گازەتٸنە جازىپ بەرۋٸن سۇراعان.
"بٷگٸن گازەت بٸرٸنشٸ بەتتەن باستاپ جارق ەتكٸزٸپتٸ. وسى ورايدا جۋرنالدىڭ ومبىدان ەلگە جەتۋٸنە جەردەم بەرگەن قايىربەك كەمەڭگەر, اسقار رايسوۆ, گازەتكە جارييالاعان ديحان اعالارعا جەنە قازٸرگٸ قارٸپكە اۋدارعان اباي مىرزاعا العىس ايتامىن", – دەيدٸ سەرٸكبول حاسان.
ونىڭ ايتۋىنشا, “بالاپان" قولجازبا جۋرنالىنىڭ №9 سانى گوسكاتالوگ ارقىلى ومبى مەملەكەتتٸك تاريحي-ٶلكەتانۋ مۋزەيٸنٸڭ قورىنان تابىلعان. جۋرنال اۆتورلارى جازبالارىن "ساداقتاعى" سەكٸلدٸ قالام اتتارىمەن جازعان.
"بۇل نٶمٸرگە سەركەنٸڭ "كٶك تٶبەتكە", "قونعان جەرٸمنەن", "ابىلاي" (ەڭگٸمە), باباساننىڭ "اقىلسىز سۇلۋ", پوليتيكانتتىڭ “مەن دە پوليتيك بولايىنشى" ت.ب. جازبالارى جارييالانعان ەكەن. جۋرنالدىڭ “سٶز باسى” ايدارىندا نٶمٸردە جارييالانعان جازبالارعا اڭداتپا جاسالسا, سوڭىنداعى “باسقارمادان” ايدارىندا باسىلماي قالعان ماقالالار مەن جازبالار تۋرالى قوسىمشا حابارلاما بەرٸلٸپتٸ", — دەيدٸ ول.
اقىن اتالعان جۋرنالدىڭ قىسقاشا تاريحىنى دا توقتالدى.
"ايتا كەتەيٸك, “بالاپان” قولجازبا جۋرنالى 1916-1918 جىلدارى ومبىدان شىعىپ تۇرعان. شىعارۋشىلارى – “بٸرلٸك” ۇيىمى, رەداكتورى قوشكە كەمەڭگەرۇلى بولعان. وسى ۋاقىتقا دەيٸن جۋرنالدىڭ بٸردە-بٸر سانى تابىلماعان ەدٸ", - دەپ قوستى اقىن.
سەرٸكبول حاساننىڭ ايتۋىنشا, تابىلعان بۇل نٶمٸر قازاقتىڭ قولجازبا جۋرنالدار تاريحىن زەرتتەۋدە قۇندى دەرەككٶز بولماق.
