Qazaq Air اۋە كومپانياسىنىڭ پيلوتتارى كومپانيا باسشىلىعىنا ۇندەۋ جاسادى، دەپ حابارلايدى Dalanews.kz.
مالىمدەمەدە قويىلعان نەگىزگى تالاپتار:
- تۇنگى رەيستەر ءۇشىن تولەم جۇيەسىن قايتا قاراۋ،
- كومانديرلەردىڭ جالاقىسىن كوتەرۋ،
- ەكىنشى پيلوتتاردىڭ جالاقىسىن كوتەرۋ،
- بارلىق پيلوت ءۇشىن تولەمدى ارتتىرۋ.
"قازاقستان رەسپۋبليكاسىنىڭ كولىك مينيسترلىگى اۋە كومپانياسىنان بۇل مالىمدەمەنى ەلدىڭ قولدانىستاعى زاڭناماسىنا سايكەس قاراۋدى تالاپ ەتەدى"، - دەپ جازىلعان حابارلامادا.
ايتا كەتەيىك، Qazaq Air اۋە كومپانياسىنىڭ 49 %- ى Sovico توبىنا، تاعى 49% -ى سامۇرىق قازىناعا، ال 2%-ى Kazasia Holding Limited كومپانياسىنا تيەسىلى.
