2026 جىلى ٶتەتٸن XXV قىسقى وليمپيادا ويىندارىندا ۋكراينا ۇلتتىق قۇراماسىنىڭ تۋ ۇستاۋشىسى, ۋكراينالىق سكەلەتونيست ۆلاديسلاۆ گەراسكەۆيچ رەسەيدٸڭ ۋكرايناعا قارسى سوعىسىندا قازا تاپقان ۋكراين سپورتشىلارىنىڭ پورترەتتەرٸ بەينەلەنگەن دۋلىعانى كيمەۋ تۋرالى تالاپتى ورىنداۋدان باس تارتقانى ٷشٸن جارىستارعا قاتىسۋ قۇقىعىنان ايىرىلدى, دەپ حابارلايدى Dalanews.kz.
«بٸز ەشقانداي ەرەجەنٸ بۇزعان جوقپىز جەنە بۇل دۋلىعامەن ٶنەر كٶرسەتۋگە تولىق قۇقىعىمىز بولدى دەپ ەلٸ كٷنگە دەيٸن ەسەپتەيمٸن. وسى وليمپيادا ويىندارىنىڭ الدىڭعى كٷندەرٸندە ٶزگە سپورتشىلار دا ۇقساس ەرەكەتكە بارعان», – دەپ تٷسٸندٸردٸ گەراسكەۆيچ سۋسپٸلنە سپورت تەلەارناسىنا بەرگەن پٸكٸرٸندە.
ول نە سەبەپتٸ سانكتسييالار دۋلىعالاردا رەسەيلٸك تۋدى پايدالانعان جاعدايدا قولدانىلماعانىن, «نەلٸكتەن شاڭعىشى ەرٸپتەسٸنە ارنالعان ەستەلٸك جازۋمەن جارىسقا شىعۋعا قۇقىلى دا, ال ولارعا بولمايدى» دەگەن سۇراقتاردىڭ جاۋابىن الماعانىن ايتتى. گەراسكەۆيچ ديسكۆاليفيكاتسيياعا بايلانىستى سپورتتىق اربيتراج سوتىنا شاعىم تٷسٸرەتٸنٸن مەلٸمدەدٸ.
ۋكراينالىق سكەلەتونيستٸڭ وليمپيادادان شەتتەتٸلگەنٸ تۋرالى حالىقارالىق وليمپيادا كوميتەتٸ قابىلداعان شەشٸم ۋكراينادا ٷلكەن نارازىلىق تولقىنىن تۋدىردى. ۆلاديسلاۆ گەراسكەۆيچتٸ قولداپ بٸردەن ۋكراينا ۇلتتىق وليمپيادالىق كوميتەتٸ مەلٸمدەمە جاسادى.
«ول قازا تاپقان ۋكراين سپورتشىلارى مەن بارلىق باتىرلارىمىزعا قۇرمەت بەلگٸسٸ رەتٸندە “ەستەلٸك دۋلىعامەن” ستارتقا شىعۋى تيٸس ەدٸ. بٷگٸن ۆلاديسلاۆ جارىسقا شىقپادى, بٸراق ول جالعىز ەمەس – ونىڭ جانىندا بٷكٸل ۋكراينا بولدى. ٶيتكەنٸ سپورتشى شىندىق, ار-نامىس پەن جادى ٷشٸن كٷرەسسە – بۇل جەڭٸس. ۆلاديسلاۆ ٷشٸن جەڭٸس. بٷكٸل ەل ٷشٸن جەڭٸس», – دەلٸنگەن 12 اقپان, بەيسەنبٸ كٷنٸ ۇوك-تىڭ Facebook پاراقشاسىندا جارييالانعان حابارلامادا.
زەلەنسكييدٸڭ رەاكتسيياسى
قىسقى وليمپياداعا قاتىسۋشى ۋكراين سپورتشىسىنا قاتىستى شىققان داۋ ۋكراينا پرەزيدەنتٸنٸڭ دە نازارىنان تىس قالمادى.
«سپورت وليمپيادالىق قوزعالىس, ول بٸر بٷيرەگٸن اگرەسسورعا بۇرماي, سوعىستى توقتاتۋعا كٶمەكتەسۋٸ كەرەك. ٶكٸنٸشكە قاراي, ۇوك-تىڭ ۋكراينالىق سكەلەتونيست ۆلاديسلاۆ گەراسكەۆيچتٸ ديسكۆاليفيكاتسييالاۋ تۋرالى شەشٸمٸ كەرٸسٸنشە جاعدايدى كٶرسەتٸپ وتىر. بۇل – ەدٸلەت پەن بەيبٸتشٸلٸكتٸ قولداۋعا نەگٸزدەلگەن وليمپيادالىق قاعيداتتار تۋرالى ەمەس», – دەپ جازدى ۆلاديمير زەلەنسكيي ەلەۋمەتتٸك جەلٸدەگٸ پاراقشاسىندا.
