الماتىنىڭ قىلمىستىق ٸستەر جٶنٸندەگٸ سوتىندا گٷلميرا ساتىبالدىنىڭ ٸسٸ بويىنشا الدىن الا تىڭداۋ ٶتتٸ. سوتتىڭ الدىن الا تىڭداۋى كەزٸندە گٷلميرا ساتىبالدى القابيلەر سوتىنان باس تارتتى, - دەپ حابارلايدى Dalanews.kz.
سوتتالۋشى ورىندىعىندا گٷلميرا ساتىبالدىمەن قوسا, ونىڭ جٷرگٸزۋشٸسٸ مەدي باتىرشاەۆ تا بولدى. سوت وتىرىسى ونلاين رەجيمدە ٶتٸپ جاتىر, ال ايىپتالۋشىلار استانانىڭ تەرگەۋ يزولياتورىندا.
گٷلميرا ساتىبالدىعا قىلمىستىق كودەكستٸڭ 126-بابى "زاڭسىز باس بوستاندىعىنان ايىرۋ" بويىنشا ايىپپەن قوسا, اسا اۋىر قىلمىس جاسادى دەگەن ايىپ تاعىلدى: قىلمىستىق كودەكستٸڭ 194-بابىنىڭ 3-بٶلٸگٸ "ٸرi مٶلشەردە مٷلiك الۋ ماقساتىندا جاسالعان قورقىتىپ الۋشىلىق". بۇل باپ اسا اۋىر بولىپ ەسەپتەلەدٸ جەنە ول بويىنشا ايىپتالۋشى القابيلەردٸڭ قاتىسۋىمەن سوت ٶتكٸزۋدٸ سۇراۋىنا قۇقىلى.
"بۇل جاعدايدا سٸزدٸڭ ۇستانىمىڭىزدى بٸلۋٸم كەرەك. ٸستٸ سۋديا نەمەسە القابيلەر قاراعانىن قالايسىز با?" دەپ سۇرادى سۋديا گٷلميرا ساتىبالدىدان.
"مەن سٸزگە سەنەمٸن", - دەپ جاۋاپ بەردٸ ايىپتالۋشى.
قورعاۋشى تاراپ قىلمىستىق ٸستٸ قىسقارتۋدى سۇرادى, ٶيتكەنٸ ادۆوكاتتاردىڭ ايتۋىنشا, تەرگەۋ سوتتالۋشىنىڭ ەرەكەتٸن "بوپسالاۋ" بابى بويىنشا زاڭسىز سارالاعان. قورعاۋشى تاراپ ساتىبالدىنىڭ ەرەكەتٸندە ەشقانداي پايداكٷنەمدٸك ماقسات بولماعان دەپ ەسەپتەيدٸ - ول ٶز كومپانيياسىنان ۇرلانعان قاراجاتتى قايتارعىسى كەلگەن.
قورعاۋشى تاراپ سوتتى جابىق ٶتكٸزۋدٸ جەنە ايىپتالۋشىلاردىڭ سۋرەتتەرٸن پايدالانۋعا تىيىم سالۋدى دا سۇرادى.
ايتا كەتەيٸك, بيىل انتيكور گٷلميرا ساتىبالدىعا قاتىستى زاڭسىز باس بوستاندىعىنان ايىرۋ, اسا ٸرٸ كٶلەمدە بوپسالاۋ جەنە اۋىر زارداپتارعا ەكەپ سوقتىرعان وزبىرلىق دەرەكتەرٸ بويىنشا تەرگەۋدٸ اياقتاعان بولاتىن.
بۇعان دەيٸن گٷلميرا ساتىبالدى مەن ونىڭ قاراماعىنداعىلارعا تاعى بٸر ٸس بويىنشا ٷكٸم شىققان ەدٸ. ول ادام ۇرلاعانى مەن وزبىرلىق جاساعانى ٷشٸن كٸنەلٸ دەپ تانىلدى.
