«ارنايى زاڭنىڭ قابىلدانۋىن كۇتپەي-اق، ءبىز بىرلەسكەن كۇش-جىگەرمەن ەلگە 760 ميلليارد تەڭگەنىڭ اكتيۆتەرىن قايتارىپ الدىق. قايتارۋ شارالارىن كوميسسيانىڭ بارلىق مۇشەلەرى مەن وسى ىسكە تارتىلعان مەملەكەتتىك ورگاندار جۇرگىزىپ جاتىر»، - دەدى اسىلوۆ.
باس پروكۋراتۋرانىڭ باسپا ءسوز قىزمەتى ونىڭ 575 ميلليون دوللارى شەتەلدىك يۋريسديكسيالاردان كەلگەنىن اتاپ ءوتتى. اسىلوۆتىڭ ايتۋىنشا، باسقا مەملەكەتتەرگە اكتيۆتەرگە قاتىستى قۇقىقتىق كومەك كورسەتۋ تۋرالى 100-دەن استام ءوتىنىش جىبەرىلگەن. ناتيجەسىندە قۇنى 100 ميلليون دوللاردان اسىپ جىعىلاتىن مۇلىك تاركىلەنگەن.
«قايرات ساتىبالدىنىڭ ىسىنە بايلانىستى شەتەلدەن ونداعان ميلليون دوللار تۇراتىن قىمبات التىن اشەكەيلەر قايتارىلدى. اكتيۆتەر ليحتەنشتەيننەن، اۆستريادان، گونكونگتان جانە باا-دەن قايتارىلدى »، - دەدى اكتيۆتەردى قايتارۋ جونىندەگى ۆەدومستۆوارالىق كوميسسيانىڭ باسپا ءسوز حاتشىسى الىپبەك زەيىن.
...
ايتقانداي، كرەمل قازاقستانداعى بولاشاق پرەزيدەنت سايلاۋىندا تاسماعامبەتوۆتى كانديدات رەتىندە كورىپ وتىر. وسى ارادان وقىڭىز: https://t.me/dalainside/1310
https://dalanews.kz/news/89268-qaytqan-malda-qayyr-bar-nazarbaevan
https://dalanews.kz/news/89199-qudyqtyng-suyn-suzip-iship-otyrmyz
https://dalanews.kz/aimak/89211-deputattar-turkistan-oblysynyng-auyl
