مەملەكەت باسشىسىنىڭ وكىمىمەن قايرات انۋاربەك ۇلى سادىقوۆ قازاقستان رەسپۋبليكاسى قورعانىس ءمينيسترىنىڭ ورىنباسارى بولىپ تاعايىندالدى،دەپ حابارلايدى Dalanews.kz.
سونداي-اق ول ق ر قارۋلى كۇشتەرى اۋە قورعانىسى كۇشتەرىنىڭ باس قولباسشىسى دا بولدى.
گەنەرال-مايور قايرات سادىقوۆ 1967 جىلى 14 ساۋىردە شقو، زايسان اۋىلىندا دۇنيەگە كەلگەن. ورىنبور اسكەري ۋچيليششەسىن، ۇلتتىق قورعانىس ۋنيۆەرسيتەتىن جانە د.ا. قونايەۆ اتىنداعى ۋنيۆەرسيتەتتى بىتىرگەن. فيلوسوفيا عىلىمدارىنىڭ كانديداتى.
اۋە قورعانىسى كۇشتەرىندە ءتۇرلى باسشىلىق لاۋازىمدار اتقارعان. 2023 جىلدان بەرى – اۋە قورعانىسى كۇشتەرى باس قولباسشىسى باسقارماسى باستىعىنىڭ ءبىرىنشى ورىنباسارى – شتاب باستىعى بولدى.
"ايبىن" II دارەجەلى وردەنىمەن، "جاۋىنگەرلىك ەرلىگى ءۇشىن" مەدالىمەن جانە باسقا دا ماراپاتتارمەن ناگرادتالعان. قازاق جانە ورىس تىلدەرىن مەڭگەرگەن. وتباسىلى، بالالارى بار.
