بۇل تۋرالى kaz.365info.kz سايتى حابارلايدى.
«مەن اۋىل بالاسى ءتارتىپسىز، مادەنيەتسىز دەگەندەرمەن كەلىسپەيمىن. اتاقتىلاردىڭ ءبارى اۋىلدان شىققان. اۋىلدىڭ جىگىتىندە ار-نامىس بار. كەرىسىنشە، قالانىڭ جىگىتتەرىنەن قورقامىن. قىزمىنەزدى… گەي-كلۋبتارعا باراتىن قالانىڭ جىگىتتەرى كوپ. ولاردا نامىس جوق».
«ءسىز گەي-كلۋبتار جايلى ايتتىڭىز. جاھاندانۋ دەگەن بار. قازاقستان سونىڭ ىشىندە. ەندەشە ولاردىڭ قۇقىعىن شەكتەۋگە بولا ما؟» دەگەن ءجۋرناليستىڭ ساۋالىنا قايرات بىلاي دەپ جاۋاپ بەرىپتى.
«مەن ەشكىمنىڭ قۇقىعىن شەكتەمەيمىن. ءبىراق، قازاقستاندا مۇنداي قۇبىلىستىڭ تاراپ كەتكەنىنە قىنجىلامىن. بۇل تۋرالى ويلاسام جىلاعىم كەلەدى. قالايشا؟ ەركەك، جىگىت دەگەن اتى، ءبىراق…كوگىلدىر.
ءارى قارايعى اڭگىمە اتىشۋلى Ninety One توبىنا قاتىستى ءوربىپتى.
«بۇل توپتى سىنايتىندار كوپ. جاقتايتىندار دا بار. ءسىز قاي جاعىنداسىز؟» دەگەن ءجۋرناليستىڭ ساۋالىنا ءانشى بىلاي دەگەن ەكەن.
«ولاردىڭ سىرت كەيپىن سىنعا الادى. تۇسىنەمىن. ءبىراق Ninety One توبىن دا تۇسىنۋگە تىرىسامىن. ولاردى كورگەم. ءاپ-ايبات قازاقتىڭ بالالارى. سىپايى، مادەنيەتتى. ولاردى سىناي المايمىن. ولار وزدەرىنىڭ سۇيىكتى ىسىمەن اينالىسۋدا. ادال ەڭبەك ەتۋدە. اتا-اناسىنا كومەكتەسۋدە. ولارعا ءبىر كەڭەس بەرەر ەدىم. «شاشتارىڭىزدى بوياماساڭىزدار دا تىڭدارماننان ايىرىلمايسىز».
