قايران باۋىر
قاراسازدى ساعىندىم-اۋ!
ساعىندىم-اۋ, سۋىمدى, تاۋىمدى دا! -
...قايران دوس, بارعانىمدا وسىلاي دەپ,
ٶرت كەتٸپ ٶزەگٸنە تارىندىڭ-اۋ!
كٶڭٸلٸڭنەن كٶتەرٸلٸپ ويران-داۋىل,
كەمەڭدٸ بۇرىپ ەدٸ قايراڭعا بٸر...
ساعىنعان سازىن, ەنە, تاۋىڭ, ەنە,
جاتىرسىڭ ٶزٸڭ, مٸنە, قايران باۋىر!
ٷيٸرٸنەن اداسقان تەنتەك ەدٸڭ,
تەنتەگٸم-اي, ٷزٸلدٸ ەرتە دەمٸڭ.
...قاراسازىڭ مٸنەكي, ەلدەيلەۋدە,
ەلسٸن-ەلٸ جاڭارتىپ كٶرپەلەرٸن.
مۇقاعالي ماقاتاەۆ
