قايىرىمدىلىق شارالارى تۇركىستان وبلىسىنىڭ تۇلەكتەرى اراسىندا داستۇرگە اينالعانداي. كەنتاۋ قالاسىنا قاراستى اششىساي اۋىلىنىڭ №7 ج.جابايەۆ مەكتەبىنىڭ 2001 جىلعى تۇلەكتەرى جەرلەستەرىنە ەرەكشە سىيلىق جاسادى. جاستار اۋىلداعى ساياباققا بالالار ويىن الاڭشاسىن ورناتىپ، بۇلدىرشىندەردى قۋانتتى. تۇلەكتەر تارتۋىنىڭ جالپى قۇنى – 600 مىڭ تەڭگە، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

ەلجاندىلىقتىڭ تامىرى كىندىك قانى تامعان جەردى، وسكەن ولكەنى ءسۇيۋ، وعان قۇرمەت تانىتا ءبىلۋ. ەلباسى ماقالاسىنان باستاۋ العان «بولاشاققا باعدار: رۋعاني جاڭعىرۋ» باعدارلاماسىنىڭ «تۋعان جەر» باعىتى وسىعان ۇندەيدى.

اۋىل بالالارىن باقىتقا بولەگەن تۇلەكتەر وزگە دە مەكتەپ تۇلەكتەرىن يگىلىكتى ىسكە مۇرىندىق بولۋعا شاقىردى.

جالپى، مۇنداي يگى شارا كەنتاۋ قالاسىندا العاش رەت ورىن الىپ وتىرعان جوق. ءدال وسىنداي تارتۋدى 1984 جىلى تۋعان تۇلەكتەرى 9 مامىر – ۇلى جەڭىس كۇنىنە وراي، اۋىل پاركىندە ورنالاسقان «ماڭگىلىك الاۋ» مونۋمەنتىن قايتا جاڭارتىپ، ۇلى جەڭىستىڭ 76 جىلدىعىنا كەرەمەت سىي جاساعان ەدى.