اقتاۋ قالالىق سوتىنىڭ ۇكىمىمەن قك-تىڭ 126 (باس بوستاندىعىنان زاڭسىز ايىرۋ) جانە 128 (ادامدى قاناۋ) باپتارى بويىنشا اۋىر قىلمىس جاساعانى ءۇشىن ءۇش تۇلعا سوتتالدى، دەپ حابارلايدى Dalanews.kz.
2023 جىلدىڭ قازانىنان 2024 جىلدىڭ ناۋرىزىنا دەيىنگى كەزەڭدە سوتتالعاندار اقتاۋ قالاسىندا مۇگەدەكتىگى بار ەكى ادامدى كۇشتەپ ۇستاپ، ولاردى پايدا تابۋ ماقساتىندا پايدالانىپ، قوعامدىق ورىنداردا قايىر سۇراۋعا ماجبۇرلەگەن.
اياعى جوق ەكى جابىرلەنۋشىنى قاراعاندى قالاسىنان الداپ الىپ، اۋەلى سەمەي قالاسىندا قايىر سۇراۋعا ماجبۇرلەگەن، كەيىن اقتاۋ قالاسىنا اكەلىپ، جەرگىلىكتى بازارلاردا پايدالانعان، ال تاپقان اقشالارىن سوتتالعاندار وزدەرىنە الىپ تۇرعان.
وسى ۋاقىت بويى جابىرلەنۋشىلەر، سونىڭ ىشىندە قاشۋعا ارەكەتتەنگەنى ءۇشىن، قورقىتۋعا، پسيحولوگيالىق جانە فيزيكالىق زورلىق-زومبىلىققا ۇشىرادى.
تەك 2024 جىلدىڭ ناۋرىز ايىندا ولاردىڭ ءبىرى پوليسياعا حابارلاسا الدى، بۇل قىلمىستىق سحەمانى اشۋعا مۇمكىندىك بەردى.
سوتتالۋشى رەتىندە 50-جاستاعى ايەل مەن ونىڭ ەكى ۇلى تارتىلعانىن ايتا كەتۋ كەرەك.
«وتباسىلىق بيزنەستىڭ» ءۇش قاتىسۋشىسى دا 7 جىلعا باس بوستاندىعىنان ايىرىلدى.
