"قازٸر ەل ٸشٸندە تٷرلٸ جاعىمسىز ەڭگٸمەلەر تاراپ جاتقانىن بٸلەمٸن. وسىعان بايلانىستى مەملەكەت باسشىسى رەتٸندە تاعى دا قايتالاپ ايتامىن. تۇڭعىش پرەزيدەنتٸمٸز ەلٸمٸزدٸ ٸرگەسٸ بەرٸك مەملەكەتكە اينالدىرۋ ٷشٸن زور ەڭبەك سٸڭٸردٸ. كەمشٸلٸك جٸبەرگەن كەزٸ بولسا, ونىڭ ەلدٸڭ كەيٸنگٸ باسشىلارى تارازىعا تارتاتىن بولادى", – دەدٸ ق. توقاەۆ.
ونىڭ اتاپ ٶتكەنٸندەي اقش, سينگاپۋر, قىتاي سەكٸلدٸ ٸرگەلٸ مەملەكەتتەر كٶسەمدەرٸنٸڭ ەل باسقارعان جىلداعى جەتٸستٸكتەرٸن كەمشٸلٸگٸنەن جوعارى قويا بٸلگەن.
"جاڭىلمايتىن جاق, سٷرٸنبەيتٸن تۇياق جوق! جۇمىس ٸستەمەي, قول قۋسىرىپ وتىرعان ادام عانا قاتەلەسپەيدٸ. امەريكا پرەزيدەنتتەرٸ دە, قىتاي كٶسەمدەرٸ دە قاتەلەسكەن. ولار دا كٶپ كەمشٸلٸك جٸبەردٸ. تٸپتٸ ەلدٸڭ بەرٸ جاقتاپ, ماقتاپ سٶيلەيتٸن سينگاپۋر كٶشباسشىسى لي كۋان يۋ-دا قاتەلٸك جٸبەرگەن", – دەدٸ توقاەۆ.
ونىڭ پٸكٸرٸنشە قازاقستان حالقى تۇڭعىش پرەزيدەنتتٸڭ تاريحي رٶلٸن ۇمىتپاۋى كەرەك. ونىڭ قايراتكەرلٸك قابٸلەتٸنە ەدٸل باعا بەرٸلۋٸ تيٸس. ٶتكەنٸن قارالايتىن حالىق, بولاشاقتىڭ قادٸرٸن بٸلمەيدٸ.
"ٶتكەن زاماندى جوققا شىعاراتىن, ٶز باسشىلارىنا شابۋىل جاسايتىن حالىقتىڭ بولاشاعى ەكٸتالاي ەرٸ بۇلىڭعىر", – دەدٸ پرەزيدەنت.
ول سونىمەن قاتار نازارباەۆتىڭ يادرولىق قارۋسىزدانۋ باعىتىندا ٷلكەن ٸس اتقارىپ, ەلەمدٸك قاۋىمداستىق تاراپىنان ابىروي-بەدەلگە يە بولعانىن اتاپ ٶتتٸ. ٶتكەن 30 جىلدا قازاقستان ورتا ازييا ەلدەرٸنەن وزىپ, ايماقتىڭ كٶشباسشىسى اتانعان.
توقاەۆ سونداي-اق ەل استاناسىنا قاتىستى پٸكٸر بٸلدٸرٸپ, ونىڭ سارىارقا تٶرٸنە ورنالاسۋى گەوساياسي تۇرعىدا كٶرەگەن شەشٸم بولعانىن اتاپ ٶتتٸ.
"90-شى جىلدارى قازاقستانعا قاستىق ويلاعان كەيبٸر ساراپشىلار بٸزدٸڭ ەلدٸ كٶپ ۇزاماي تاراپ تىنادى دەگەن بولجام ايتتى. نۇرسۇلتان نازارباەۆ سول بٸر اۋمالى-تٶكپەلٸ شاقتا مەملەكەتتٸڭ قابىرعاسىن قالاۋدى موينىنا الدى", – دەدٸ توقاەۆ.
ونىڭ اتاپ ٶتكەنٸندەي 90-شى جىلداردىڭ ورتاسىندا باستالعان شەكارانى شەگەندەۋ جۇمىسى ويداعىداي ورىندالعان. ستراتەگييالىق مەنگە يە وسى بٸر جەتٸستٸكتٸڭ ارقاسىندا قازاقستان مەملەكەت رەتٸندە ٶسٸپ-ٶنە باستاعان.
سونداي-اق مەملەكەت باسشىسى ەلدٸ اۋىز بٸرلٸككە شاقىردى.
"بٸز بۇعان دەيٸنگٸ جەتٸستٸكتەرٸمٸزدەن ايىرىلىپ قالماۋىمىز كەرەك. مەملەكەتٸمٸزدٸ نىعايتىپ, كەز-كەلگەن سىناققا دايىن بولۋىمىز قاجەت. تابىسقا جەتۋ ٷشٸن, ەڭ الدىمەن, اۋىزبٸرشٸلٸك كەرەك ەكەنٸن ەستە ۇستايىق", – دەدٸ مەملەكەت باسشىسى.
