قاتاردان 150-گە جۋىق قازاقستاندىق ەلگە قايتا الماي وتىر، دەپ حابارلايدى Dalanews.kz.
بۇل تۋرالى ZTB NEWS رەداكسياسىنا جولدانعان بەينەۇندەۋدە مالىمدەلگەن.
“ءبىز ءقازىر كاتار اۋەجايىندامىز. كۇتىپ وتىرعانىمىزعا 18 ساعات بولدى. ارامىزدا نارەستەلەر، بالالى انالار، قاريالار بار. ەشكىم ناقتى جاۋاپ بەرمەي جاتىر. كونسۋلدىق وكىلدەرى كەلىپ، ماسەلە جاقىن ارادا شەشىلەدى دەدى، ءبىراق بىزگە وتە قيىن”، — دەدى ول ZTB NEWS رەداكسياسىنا جولداعان بەينەجازباسىندا.
ايتا كەتەيىك، بۇعان دەيىن ق ر كولىك مينيسترلىگى پەرسيا شىعاناعىنداعى بىرنەشە ەلگە قاتىنايتىن رەيستەردىڭ توقتاتىلعانىن حابارلاعان ەدى. بۇل شەشىم ايماقتاعى اسكەري-ساياسي جاعدايدىڭ كۇرت ۋشىعۋىنا بايلانىستى، قاۋىپسىزدىك ماقساتىندا قابىلدانعان. مۇنداي شارالاردى حالىقارالىق اۋە كومپانيالارى دا قولعا العان.
“2025 جىلى 24 ماۋسىمداعى جاعداي بويىنشا تاياۋ شىعىستاعى اسكەري-ساياسي احۋالدىڭ كۇرت شيەلەنىسۋىنە بايلانىستى ءبىرقاتار ەلدە رەسمي تۇردە شەكتەۋلەر ەنگىزىلىپ، ازاماتتىق اۆياسياعا ارنالعان اۋە كەڭىستىكتەرى جابىلدى. ءماجبۇرلى شارالار قارۋدى قولدانۋ ءقاۋپى، ناۆيگاسيالىق جۇيەلەردىڭ دۇرىس جۇمىس ىستەمەۋى، اۋە قورعانىسى جۇيەلەرىنىڭ بەلسەندىلىگى جانە ازاماتتىق اۋە كەمەلەرىنىڭ ۇشۋى ءۇشىن جوعارى تاۋەكەلدەرگە بايلانىستى قابىلداندى”، — دەپ حابارلادى كولىك مينيسترلىگى.
سوڭعى مالىمەتكە سايكەس، شەكتەۋلەر كەلەسى ەلدەردە قولدانىلادى:
- يزرايل اۋە كەڭىستىگى تولىق جابىق؛
- يران اۋە كەڭىستىگى تولىق جابىق (ونىڭ ىشىندە پارسى جانە ومان شىعاناقتارى)؛
- يراك، يوردانيا، ليۆان — زىمىران مەن درون شابۋىل قاۋپىنە سايكەس ۇشۋلاردى ۋاقىتشا شەكتەۋ؛
- كۋۆەيت، باحرەين، ءباا — رەيستەردى شەكتەۋ جانە توقتاتۋ، ءىشىنارا قاقتىعىس ايماعىنا جاقىن مارشرۋتتاردى بۇعاتتاۋ.
“ءىرى حالىقارالىق اۆياتاسىمالداۋشىلار دا رەيستەردى ۋاقىتشا توقتاتتى. ولاردىڭ قاتارىندا Air France-KLM، United، American Airlines، Japan Airlines، Air Canada
دۋباي، دوحا جانە ەر-ريادقا ۇشۋدى توقتاتتى. Qatar Airways ۇشۋ كەستەسىن رەتتەيدى. Etihad رەسمي ەسكەرتۋ جاسادى. Emirates قاقتىعىس ايماعىن اينالىپ،ۇشۋدى جالعاستىرۋدا”، — دەدى مينيسترلىك.
