مەملەكەت باسشىسى قىرعىزستان تەۋەلسٸزدٸگٸنە 35 جىل تولۋىنا وراي پرەزيدەنت سادىر جاپاروۆقا قۇتتىقتاۋ جەدەلحاتىن جولدادى, دەپ حابارلايدى dalanews.kz.
"بۇل ايتۋلى مەرەكە قىرعىز حالقىنىڭ ەركٸندٸككە, دەربەستٸك پەن تەۋەلسٸزدٸككە ۇمتىلىسىن ايشىقتايدى. وسى جىلدار ٸشٸندە قىرعىزستان ەل بولىپ ەڭسە تٸكتەۋدەن باستاپ, ورنىقتى دامۋعا دەيٸنگٸ جولدى ابىرويمەن ەڭسەردٸ. مەملەكەتتٸلٸكتٸڭ ٸرگەسٸن بەكٸتٸپ, باي رۋحاني مۇراسىن ساقتاپ قالدى. حالىقارالىق ارەنادا بەدەلدٸ ەلگە اينالدى. بۇعان قىرعىز رەسپۋبليكاسىنىڭ 2027-2028 جىلدارى بۇۇ قاۋٸپسٸزدٸك كەڭەسٸنٸڭ تۇراقتى ەمەس مٷشەسٸ بولىپ سايلانۋى جارقىن مىسال بولا الادى", – دەپ جازىلعان قۇتتىقتاۋدا.
جەدەلحاتتا ەلدەرٸمٸزدٸ عاسىرلاردان تامىر تارتاتىن دوستىق پەن تاتۋ كٶرشٸلٸككە نەگٸزدەلگەن باۋىرلاستىق قارىم-قاتىناس بايلانىستىراتىنى اتاپ ٶتٸلگەن. پرەزيدەنت ستراتەگييالىق سەرٸكتەستٸك پەن وداقتاستىق قوس حالىقتىڭ يگٸلٸگٸ جولىندا قارقىندى تٷردە نىعايا بەرەتٸنٸنە سەنٸم بٸلدٸردٸ.
قاسىم-جومارت توقاەۆ سادىر جاپاروۆتىڭ جاۋاپتى مەملەكەتتٸك قىزمەتٸنە تابىس, ال باۋىرلاس قىرعىز حالقىنا قۇت-بەرەكە تٸلەدٸ.
