قاسىموۆ: "لاڭكەستەر سيرييادان باسقارىلعان"
بٸر مەزەتتە وتباسىلارىنان بەزٸپ, ۇشتى-كٷيلٸ جوعالعان 45 سودىر اقتٶبەنٸڭ قاق ورتاسىنداعى پەتەرگە جينالىپ جيھادقا ەزٸرلەنگەن. جەتەكشٸلەرٸ تۋىستارىمەن سٶيلەسۋگە تىيىم سالىپ بارلىعىنا ۇيالى تەلەفوندارىن سول جەرگە قالدىرتىپتى. الايدا كٷتپەگەن جەردەن 20 ەسٸرەدٸنشٸل ٷيدەن شىعا بەرە, «قاسيەتتٸ سوعىسقا» قاتىسۋدان باس تارتىپ, تايىپ تۇرعان.
ارالارىنان جٸك شىققان تاعى ٷشەۋٸ جولشىباي, اجالدان قورىققان تاعى بٸرٸ قارۋ-جاراق دٷكەنٸنە كٸرمەي قاشا جٶنەلگەن. قالعان 25-ٸ ٸشكە باسا-كٶكتەپ كٸرٸپ, جولىنا كەدەرگٸ بولعاندارعا وقتى قارشا بوراتقان. ەكٸ بٸردەي قارۋ-جاراق دٷكەنٸن توناپ, كەيٸن اۆتوبۋسپەن ەسكەري بٶلٸمگە باسىپ كٸرگەن راديكالدار كامەراعا تٷسٸپ قالعانى بەلگٸلٸ. وسى باقىلاۋ كامەراسىنىڭ كٶمەگٸمەن قاندى قىلمىستىڭ بەتٸن اشقان پوليتسييا تەرروريستەردٸڭ جيھاد جاساۋعا تاپسىرمانى سيرييادان العانىن ايتىپ وتىر.
– 45 ادام پەتەردە وتىرىپ سيرييالىق يمامنىڭ اۋديوتاسپاعا جازىلعان ٷندەۋٸن تىڭداعان. سول يدەولوگ جيھادتى دەل 5-شٸ ماۋسىم كٷنٸ جاساۋدى بۇيىرعان. ۋاعىزدان سوڭ سودىرلار بٸردەن «قاسيەتتٸ سوعىسقا» شىققان, – دەيدٸ قر ٸشكٸ ٸستەر مينيسترٸ قالمۇحانبەت قاسىموۆ.
رامازان ايىندا قاسيەتتٸ سوعىسقا شىققانداردىڭ 18-نٸڭ كٶزٸ جويىلىپ, 9-ى تٸرٸدەي تۇتقىندالعان. قولعا تٷسكەندەردٸڭ 12-ٸ بۇعان دەيٸن ادام ٶلتٸرٸپ, كٸسٸ توناپ,تٷرمەگە وتىرىپ شىققانى انىقتالعان. ٸشٸندە 2011-شٸ جىلى اقتٶبەدەگٸ وبلىستىق ۇلتتىق قاۋٸپسٸزدٸك كوميتەتٸندەگٸ جارىلىسقا قاتىسى بار دەپ تانىلىپ, 3 جىل جازاسىن ٶتەپ شىققان جٸگٸت تە بار. 3 ەسكەري مەن 5 بەيبٸت تۇرعىندى جەر جاستاندىرىپ, ەلدٸ دٷرلٸكتٸرگەن لاڭكەستەرمەن تەرتٸپ ساقشىلارى تۋرا 7 كٷن بويى اتىستى. ەندٸ وسى وپەراتسييا كەزٸندە ولقىلىق جٸبەرگەن لاۋازىمدى شەندٸلەر دە جاۋاپكەرشٸلٸككە تارتىلۋى مٷمكٸن.
– ٶز ٸشٸمٸزدە جينالىس ٶتكٸزٸپ, كٸمدەردٸڭ كەمشٸلٸك جٸبەرگەنٸن انىقتايمىز. ٸشكٸ ٸستەر مينيسترلٸگٸنٸڭ كەيبٸر قۇرىلىمدارىنا, سونىڭ ٸشٸندە پاترۋلدى پوليتسييانىڭ قىزمەتٸنە قاتىستى سۇراق كٶپ. ولارعا قانداي شارا قولدانعانىن الداعى ۋاقىتتا ايتامىز, – دەدٸ قالمۇحانبەت قاسىموۆ.
اقتٶبەنٸ قانعا بٶكتٸرٸپ, قازاقستاندا حاليفات ورناتقىسى كەلەتٸندەردٸڭ سالافيتتەر ەكەنٸن پرەزيدەنتتٸڭ ٶزٸ مەلٸمدەگەن. ساقال قويىپ, بالاق كەسكەندەردٸڭ جات اعىمىنا ەندٸ زاڭمەن تىيىم سالىنباق. قازٸر ەلٸمٸزدە وسى تەرٸس باعىتتى ۇستاناتىن 15 مىڭنان استام ادام بار.
مۇنايلى قالانىڭ بەرەكەسٸن قاشىرعان لاڭكەستٸك بويىنشا, 25-تەن استام قىلمىستىق ٸس قوزعالعان. قازٸر تٸرٸدەي قولعا تٷسكەن راديكالدارمەن قاتار جيھاد جاساۋدان باس تارتقان ولاردىڭ سىبايلاستارى ۇلتتىق قاۋٸپسٸزدٸك كوميتەتٸنٸڭ تەرگەۋشٸلەرٸنە جاۋاپ بەرٸپ جاتىر. ال ارنايى وپەراتسييانى استانادا وتىرىپ باقىلاعان ٸشكٸ ٸستەر مينيسترٸ ٸشكٸ كٶشٸ-قون مەن ادامداردى ٷستٸ-ٷستٸنە تٸركەپ پەتەرٸن جالعا بەرەتٸندەرمەن دە كٷرەستٸ كٷشەيتپەك.
ەربول سەيٸلحان
