مەملەكەت باسشىسى قاسىم-جومارت توقايەۆ جۇڭگو استاناسى بەيجىڭدەگى تيانانمەن الاڭىندا وتكەن اسكەري پارادتى تاماشالادى،- دەپ حابارلايدى Dalanews.kz
شارا ەكىنشى دۇنيەجۇزىلىك سوعىستاعى جانە جاپون باسقىنشىلىعىنا قارسى كۇرەستەگى جەڭىستىڭ 80 جىلدىعىنا وراي ۇيىمداستىرىلدى. اسكەري شەرۋگە جۇڭگو قارۋلى كۇشتەرىنىڭ ءتۇرلى بولىمدەرى قاتىستى.
پارادتى قحر ءتوراعاسى سي سزينپين اشىپ، ءسوز سويلەدى. ول حالىقتاردىڭ ورتاق جەڭىسىنىڭ تاريحي ماڭىزىن اتاپ ءوتىپ، بەيبىتشىلىك پەن ىنتىماقتاستىقتى ساقتاۋ قاجەتتىگىن جەتكىزدى.
قازاقستان پرەزيدەنتىنىڭ بەيجىڭگە ساپارى جۇڭگو باسشىلىعىنىڭ شاقىرۋىمەن جۇزەگە استى. مەملەكەت باسشىسىنىڭ باسپا ءسوز قىزمەتى اسكەري شەرۋدەن كادرلار جاريالادى.
