مەملەكەت باسشىسى قاسىم-جومارت توقايەۆ اقوردادا قازاقستانعا رەسمي ساپارمەن كەلگەن ءابۋ-دابيدىڭ تاق مۇراگەرى شەيح حالەد بەن مۇحاممەد بەن زايد ءال-ناحاياندى قارسى الدى، دەپ حابارلايدى Dalanews.kz.
الدىمەن قاسىم-جومارت توقايەۆ پەن حالەد بەن مۇحاممەد بەن زايد ءال-ناحايان بىر-بىرىنە رەسمي دەلەگاسيا مۇشەلەرىن تانىستىردى. وسىدان كەيىن مارتەبەلى مەيماننىڭ ساپارىنا وراي سالتاناتتى راسىمدەر زالىندا ساپ تۇزەگەن قۇرمەت قاراۋىلىنىڭ باستىعى مەملەكەت باسشىلارىنا سالەمدىك بايانات بەردى. پرەزيدەنت وركەسترى ەكى ەلدىڭ مەملەكەتتىك ءانۇرانىن ورىندادى.
ءانۇرانداردى تىڭداپ بولعاننان كەيىن قاسىم-جومارت توقايەۆ پەن حالەد بەن مۇحاممەد بەن زايد ءال-ناحايان كىلەمشە بويىمەن قازاقستان رەسپۋبليكاسىنىڭ مەملەكەتتىك تۋىنا قاراي ءجۇردى.
ونىڭ الدىنا كەلگەندە مەيمان توقتاپ، باسىن ءسال ءيىپ، ءوزىنىڭ قۇرمەتىن ءبىلدىردى. سونان سوڭ مەيمان مەن پرەزيدەنت قۇرمەتتى قاراۋىل ساپىنىڭ بويىمەن ءجۇردى. قۇرمەتتى قاراۋىل باستىعىمەن قوشتاستى.
قازىرگى ۋاقىتتا جوعارى دەڭگەيدەگى كەلىسسوز ءجۇرىپ جاتىر. كەلىسسوزدەر بارىسىندا قازاقستان مەن ءباا اراسىنداعى ستراتەگيالىق سەرىكتەستىكتى نىعايتۋ پەرسپەكتيۆاسى تالقىلانىپ، ءبىرقاتار ەكىجاقتى قۇجاتقا قول قويىلماق.
ءباا – قازاقستاننىڭ اراب الەمىندەگى نەگىزگى ساۋدا-ەكونوميكالىق سەرىكتەسى. ەكى مەملەكەتتىڭ باسشىلىعى تاۋار اينالىمىن $1 ملرد-قا دەيىن ۇلعايتۋ جونىندە بىرلەسكەن شارالار قابىلداۋدا.
