Memleket basshysy Qasym-Jomart Toqaev Aqordada Qazaqstanǵa resmi saparmen kelgen Abý-Dabidiń Taq murageri sheih Haled ben Muhammed ben Zaid Ál-Nahaiandy qarsy aldy, dep habarlaidy Dalanews.kz.
Aldymen Qasym-Jomart Toqaev pen Haled ben Muhammed ben Zaid Ál-Nahaian bir-birine resmi delegatsiia múshelerin tanystyrdy. Osydan keiin mártebeli meimannyń saparyna orai Saltanatty rásimder zalynda sap túzegen qurmet qaraýylynyń bastyǵy Memleket basshylaryna sálemdik baianat berdi. Prezident orkestri eki eldiń memlekettik Ánuranyn oryndady.
Ánurandardy tyńdap bolǵannan keiin Qasym-Jomart Toqaev pen Haled ben Muhammed ben Zaid Ál-Nahaian kilemshe boiymen Qazaqstan Respýblikasynyń Memlekettik Týyna qarai júrdi.
Onyń aldyna kelgende meiman toqtap, basyn sál iip, óziniń qurmetin bildirdi. Sonan soń meiman men Prezident qurmetti qaraýyl sapynyń boiymen júrdi. Qurmetti qaraýyl bastyǵymen qoshtasty.
Qazirgi ýaqytta joǵary deńgeidegi kelissóz júrip jatyr. Kelissózder barysynda Qazaqstan men BAÁ arasyndaǵy strategiialyq seriktestikti nyǵaitý perspektivasy talqylanyp, birqatar ekijaqty qujatqa qol qoiylmaq.
BAÁ – Qazaqstannyń arab álemindegi negizgi saýda-ekonomikalyq seriktesi. Eki memlekettiń basshylyǵy taýar ainalymyn $1 mlrd-qa deiin ulǵaitý jóninde birlesken sharalar qabyldaýda.
