دەپۋتات نارتاي ارالبايۇلى "ل-كاپيتال" قارجى ۇيىمىنا الدانعانداردىڭ مەسەلەسٸن كٶتەرٸپ, وسى ٸسكە قاتىسى بار جۇلدىزداردى دا جاۋاپقا تارتۋعا شاقىردى, - دەپ حابارلايدى Dalanews.kz.
نارتاي ارالبايۇلى قارجى ۇيىمىنا جارناما جاساعاندار قاتارىندا ٶنەردەگٸ تانىمال ادامدار دا بار ەكەنٸن جەتكٸزدٸ.
"ل-كاپيتال" اكتسيونەرلٸك قوعامىنىڭ "تام-تۇم تەڭگە سالساڭ تاۋداي تابىس تاباسىڭ" دەگەن جالعان جارناماسىنا الدانعان ادام سانى قازٸر 1451-گە جەتتٸ. جارناما جاساپ جالاۋلاتقانداردىڭ ساپىندا ەلگە تانىمال ٶنەر جۇلدىزدارى دا ٶرٸپ جٷر", - دەيدٸ دەپۋتات.
1451 جەبٸرلەنۋشٸگە كەلتٸرٸلگەن شىعىننىڭ جالپى كٶلەمٸ 10 499 000 000 تەڭگە بولادى. ال الدانعانداردىڭ كٶبٸ - زەينەتكەرلەر مەن جالعىزباستى انالار.
"وسىنشا قارجىنى "ل-كاپيتال"-دىڭ باسشىلارى ٸزٸم-عايىم جوق قىلدى دەپ ارىزدانعان وتانداستارىمىز بۇل ٸس بويىنشا سوتتىڭ تىم سوزباققا سالىنىپ كەتكەنٸنە, پروكۋراتۋرا ورگانداردىڭ باياۋ ەرەكەتٸنە نارازى. بۇل جەردە تاعى بٸر تٷيتكٸل بار, "ل-كاپيتال" اكتسيونەرلٸك قوعامىنا الدانعاندار سانى 1451-دەن ەلدەقايدا كٶپ. سەبەبٸ ارىز جازعان اعايىن قارجىلىق قۇيتىرقىلىقتىڭ قۇرباندارى ساناتىندا ەسكەري بٶلٸم قىزمەتكەرلەرٸ, تٷرلٸ دەڭگەيدەگٸ مەملەكەتتٸك قىزمەتكەرلەر, بيۋدجەتتٸك مەكەمە قىزمەتكەرلەرٸ بار دەيدٸ. بٸراق ولار ارىز جازۋدان تارتىنىپ وتىر, سەبەبٸ دە تٷسٸنٸكتٸ شىعار", - دەيدٸ نارتاي ارالبايۇلى.
دەپۋتات ناقتى شارا قولدانىلۋىن سۇرايدى.
"بەيمەلٸم قارجىلىق ۇيىمدار اعايىندى الداپ, قازاقستاندا قاشانعى الشاڭ باسىپ جٷرە بەرەدٸ? ينتەرنەت الاياقتىقتىڭ قۇربانى بولعان قانداستى قورعاي الماسا, قارجىلىق پيراميدانىڭ قاقپانىن قاپقان وتانداستى اراشالاي الماسا, ولاردىڭ قولدى بولعان اقشاسىن قايتارا الماسا وندا قۇزىرلى ورىنداردىڭ قۇزىرى نە نەرسەگە جەتەدٸ دەگەن زاڭدى سۇراق تۋادى. قاراپايىم ەلدٸڭ موبيلدٸك اۋدارىمىنا قاراۋىل قويىپ قاداعالاپ, قاجەت بولسا شارا قولدانامىز دەپ حالىققا دٶڭ ايبات شەككەن مەملەكەتتٸك ورگاندار شىن ۇرىلاردى اۋىزدىقتاۋعا كەلگەندە سىلبىرلىق تانىتپاۋى كەرەك", - دەيدٸ دەپۋتات.
نارتاي ارالبايۇلى ارىزدى جولداعان حالىق نەنٸ تالاپ ەتٸپ وتىرعانىن دا اتادى:
1. 1451 جەبٸرلەنۋشٸنٸڭ ارىزىنىڭ نەگٸزٸندە باستالعان سوت پروتسەسٸ نەگە سوزباققا سالىنىپ كەتكەنٸن جەنە الماتى قالاسىنداعى بوستاندىق اۋداندىق سوتى نەگە ايىپتاۋ اكتٸسٸندە ناقتى ايعاقتار جوق دەپ ٸستٸ پروكۋراتۋراعا 3 رەت قايتارعانىن بٸلگٸسٸ كەلەدٸ?
2. "ل-كاپيتالدىڭ" باسشىلارىنان بٶلەك سول ۇجىمعا اقشا سالۋعا ادامداردى ٷگٸتتەگەن ٶنەر جۇلدىزدارىن دا زاڭ الدىندا جاۋاپقا تارتۋدى تالاپ ەتەدٸ.
