12 شٸلدە كٷنٸ تەمٸرتاۋدا جاڭارتىلعان Qarmet Park رەسمي تٷردە اشىلدى, دەپ حابارلايدى dalanews.kz.
اۋماعى 4 گەكتاردان اساتىن ساياباقتا ينفراقۇرىلىم تولىق جاڭعىرتىلىپ, دەمالىسقا, سپورتپەن شۇعىلدانۋعا جەنە وتباسىلىق ۋاقىت ٶتكٸزۋگە ارنالعان زاماناۋي جاعدايلار جاسالدى.
ساياباق اۋماعىندا جاڭا سەرۋەندەۋ باعىتتارى, اباتتاندىرىلعان دەمالىس ايماقتارى, بەسەدكالار, زاماناۋي بالالار جەنە سپورت الاڭدارى, سونداي-اق ەرتٷرلٸ بەلسەندٸلٸك تٷرلەرٸنە ارنالعان كەڭٸستٸكتەر پايدا بولدى. جارىقتاندىرۋ جٷيەلەرٸ مەن ينجەنەرلٸك جەلٸلەر جاڭارتىلىپ, قوعامدىق دەرەتحانالار ورناتىلدى, سۋ ايدىندارى قالپىنا كەلتٸرٸلٸپ, كٶگالداندىرۋ جۇمىستارى جٷرگٸزٸلدٸ.
كەلۋشٸلەردٸڭ ەرتٷرلٸ جاس ساناتتارى ٷشٸن جايلىلىق پەن قولجەتٸمدٸلٸككە ەرەكشە نازار اۋدارىلدى. ساياباقتا سپورتپەن اينالىسۋعا, وتباسىلىق سەرۋەنگە, مەدەني ٸس-شارالار مەن اۋقىمدى قالالىق مەرەكەلەردٸ ٶتكٸزۋگە ارنالعان الاڭدار قاراستىرىلعان. جٷرگٸزٸلگەن جاڭعىرتۋ جۇمىستارىنىڭ ارقاسىندا Qarmet Park جاڭا تىنىس الىپ, تەمٸرتاۋدىڭ باستى قوعامدىق كەڭٸستٸكتەرٸنٸڭ بٸرٸنە قايتا اينالدى.
كٷننٸڭ باستى وقيعالارىنىڭ بٸرٸ – Qarmet Run 2026 جاپپاي جٷگٸرۋ جارىسى. ستارت الدىندا قاتىسۋشىلار فيتنەس-كلۋب جاتتىقتىرۋشىلارىمەن بٸرگە جالپى قىزدىرۋ جاتتىعۋىن ٶتكٸزٸپ, كەيٸن ستارت سىزىعىنا ورنالاستى. بيىل 5 جەنە 10 شاقىرىمدىق قاشىقتىقتارعا تەمٸرتاۋ, قاراعاندى, استانا جەنە قازاقستاننىڭ ٶزگە قالالارىنان كەلگەن مىڭنان استام ەۋەسقوي قاتىستى.
دەستٷر بويىنشا جارىستى العاش بولىپ ەرەكشە قاجەتتٸلٸكتەرٸ بار سپورتشىلار باستادى, ولارعا ەرٸكتٸلەر سٷيەمەلدەۋ كٶرسەتتٸ. ارباداعى قاتىسۋشىلار قاتارىندا جاننا باكەنوۆا, يۋريي كيم جەنە نيكولاي شەندەروۆ بار.
Qarmet كومپانيياسىنىڭ كٷردەلٸ قۇرىلىس جٶنٸندەگٸ ديرەكتورى الەكسەي سيدورەنكو بۇل باستامانىڭ جىلدان جىلعا تانىمال بولا تٷسٸپ جاتقانىن اتاپ ٶتتٸ:
«ەكٸنشٸ جىل قاتارىنان جاپپاي جٷگٸرۋدٸ ٶتكٸزۋ باستامامىز كەڭ قولداۋ تاۋىپ كەلەدٸ. قالا تۇرعىندارىنىڭ مۇنداي شارالاردى كٷتەتٸنٸ, ادامدارعا سپورتتىق ٸس-شارالار مەن بەلسەندٸ ەرٸ كٶتەرٸڭكٸ كٶڭٸل-كٷيدە ۋاقىت ٶتكٸزۋ مٷمكٸندٸگٸ قاجەت ەكەنٸ بايقالادى. ٶتكەن جىلى جٷگٸرۋ مەتاللۋرگتەر كٷنٸ مەرەكەسٸ اياسىندا ٶتسە, بيىل Qarmet Park-تىڭ اشىلۋىمەن ۇشتاستىرىلدى. الداعى جىلى Qarmet Run دەربەس ٸرٸ ٸس-شاراعا اينالۋى ەبدەن مٷمكٸن», – دەدٸ ول.
قاتىسۋشىلاردى تەمٸرتاۋ قالاسى ەكٸمٸنٸڭ ورىنباسارى راۋان تاران قۇتتىقتاپ, «بٷگٸن, مەتاللۋرگتەر كٷنٸ قارساڭىندا, بۇل اۋقىمدى جٷگٸرۋگە مىڭنان استام ادام قاتىسۋدا. بۇل – بٸزدٸڭ قالا ٷشٸن ٷلكەن جەتٸستٸك. تەمٸرتاۋ ەردايىم سپورتتىق دەستٷرلەرٸ قالىپتاسقان قالا بولعان, ال بٷگٸن تۇرعىنداردى بٸرٸكتٸرەتٸن جاڭا قوعامدىق كەڭٸستٸكتەردٸڭ پايدا بولۋى اسا ماڭىزدى. مۇنداي جوبالار “زاڭ مەن تەرتٸپ” يدەولوگيياسى مەن “تازا قازاقستان” باستاماسىنا ساي كەلٸپ, بەلسەندٸ ەرٸ سالاۋاتتى ٶمٸر سالتىن قالىپتاستىرۋعا ىقپال ەتەدٸ», – دەدٸ ول.
قالالىق مەسليحات تٶراعاسى الەكسەي لوماكين دە مۇنداي ٸس-شارالاردىڭ سپورتتىق دەستٷرلەردٸڭ دامۋىنا جاڭا سەرپٸن بەرەتٸنٸن اتاپ ٶتتٸ:
«بۇل – قالا ٷشٸن ماڭىزدى ەرٸ جارقىن شارا. ول تەمٸرتاۋدا سپورتتىڭ دامۋىنا جاڭا سەرپٸن بەرەدٸ. ساياباقتى قايتا جاڭعىرتىپ, جاڭا قالالىق دەستٷر قالىپتاستىرعان كومبينات باسشىلىعىنا ٷلكەن العىس ايتامىز. بۇل جارىس الداعى جىلدارى دا جالعاسىن تابا بەرسٸن», – دەدٸ.
لپتس-3 تسەحىنىڭ ەلەكتر مونتەرٸ ماكسيم رەم 5 شاقىرىمدىق قاشىقتىقتا اعا جاس ساناتى بويىنشا ەرلەر اراسىندا ەكٸنشٸ ورىندى يەلەنٸپ, جارىستىڭ جوعارى دەڭگەيدە ۇيىمداستىرىلعانىن اتاپ ٶتتٸ:
«ٶتە جاقسى جارىس بولدى. نەتيجە ٷشٸن جٷگٸردٸم, جٷلدەگەرلەر قاتارىنا ەندٸم. ۇيىمداستىرۋ دەڭگەيٸ جوعارى, مارشرۋت ٶتە ۇنادى», – دەدٸ سپورتشى.
10 شاقىرىمدىق قاشىقتىقتا 39 جاسقا دەيٸنگٸ سانات بويىنشا جەڭٸمپاز اتانعان ەكٸم ەركەباي جارىسقا ارنايى استانادان كەلگەن:
«قازٸر استانادا تۇرىپ, ماتەماتيكادان ساباق بەرەمٸن. قاراعاندىلىق دوسىم وسى جارىسقا شاقىردى. جول ٶتە جاقسى, اينالاسى كٶركەم تابيعات. قاتىسۋدان ٷلكەن ەسەر الدىم», – دەدٸ جارىسقا قاتىسۋشى.
مەرەگە جەتكەن ەربٸر قاتىسۋشىنى كٶرەرمەندەر قوشەمەتپەن قارسى الدى. جەڭٸمپازدار مەن جٷلدەگەرلەرگە كۋبوكتار مەن گراموتالار تابىستالىپ, بارلىق قاتىسۋشىلارعا ەستەلٸك مەدالدار بەرٸلدٸ.
الايدا Qarmet Run 2026-نىڭ باستى نەتيجەسٸ – سەكۋندتار مەن ورىندار ەمەس, ٷلكەن قالالىق مەرەكەنٸڭ ەرەكشە اتموسفەراسى. جارىس ەرتٷرلٸ جاستاعى, ماماندىقتاعى جەنە دايىندىق دەڭگەيٸندەگٸ ادامداردى سپورتقا, قوزعالىسقا جەنە بەلسەندٸ ٶمٸر سالتىنا دەگەن ۇمتىلىس تٶڭٸرەگٸندە بٸرٸكتٸردٸ.
