اشىلۋ سالتاناتىنا تۇركىستان وبلىسىنىڭ اكىمى ج.تۇيمەبايەۆ، ق ر قارجى مينيسترلىگىنىڭ جاۋاپتى حاتشىسى ب.تورتايەۆ، تۇركىستان وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى ءا.تىلەگەنوۆ پەن قالا اكىمى ءا.وسەربايەۆ قاتىستى.
سالتاناتتى جينالىستى وبلىس اكىمى العى سوزىمەن اشىپ، ەلباسى جارلىعىمەن وبلىس ورتالىعىن تۇركىستان قالاسىنا كوشىرۋ جۇمىستارى جوسپارعا ساي جۇرگىزىلىپ جاتقانىن تىلگە تيەك ەتتى. سونداي-اق، قازاقستان رەسپۋبليكاسىنىڭ قارجى مينيسترلىگىنىڭ وبلىستىق ورگاندارىنىڭ تۇركىستان قالاسىندا وكىلدىكتەرىنىڭ اشىلۋى بەرىلگەن تاپسىرمانى ورىنداۋدىڭ العى شارتتارى ەكەندىگىن اتاپ ءوتتى.
زاماناۋي قۇرىلعىلار ارقىلى كورسەتىلەتىن ساپالى قىزمەت – بيۋدجەتتىڭ سالىق ءتۇسىمىن كوبەيتۋگە سەپتىگىن تيگىزەرى انىق. مۇندا جالپى 48 ءتۇرلى قىزمەت كورسەتىلسە، ونىڭ 40-ى ەلەكتروندى تۇردە كورسەتىلەدى. ماماندار «ءبىر تەرەزە» قاعيداسى ارقىلى حالىققا جىلدام ءارى ساپالى قىزمەت ەتپەك.
جالپى وبلىس بويىنشا بۇگىنگى كۇنگە دەيىن اتالعان مەكەمە ارقىلى حالىققا 1 ملن. 48 مىڭ قىزمەت كورسەتىلسە، ونىڭ 941ء-ى ەلەكتروندى تۇردە كورسەتىلگەن.
سونىمەن قاتار، ق ر قارجى مينيسترلىگىنىڭ جاۋاپتى حاتشىسى ب.تورتايەۆ، تۇركىستان وبلىسىنىڭ قۇرىلۋىمەن قۇتتىقتاي كەلە، قازاقستان رەسپۋبليكاسىنىڭ قارجى مينيسترلىگىنىڭ وبلىستىق ورگاندارىنىڭ وكىلدىلىگىن جاڭا وبلىس ورتالىعىندا اشۋدىڭ نەگىزگى ماقساتى – مەملەكەتتىك ورگانداردى عيماراتتارمەن قامتاماسىز ەتۋ، ورنالاستىرۋ جانە كوشىپ كەلەتىن قىزمەتكەرلەرگە الەۋمەتتىك جاعداي جاساۋدى ۇيلەستىرۋ جۇمىستارىن جۇرگىزۋ ەكەندىگىنە توقتالدى.
سالتاناتتى تۇردە لەنتا قيۋ راسىمىنەن سوڭ قاتىسۋشىلار عيماراتتا ورنالاسقان وكىلدىكتەردىڭ جاعدايىمەن تانىستى.
ەسكە سالا كەتەيىك، جالپى تۇركىستان وبلىسى بويىنشا شىمكەنت قالاسىندا ورنالاسقان 30 اۋماقتىق مەملەكەتتىك ورگان بار بولسا، كەلەسى ايدىڭ ىشىندە ولاردىڭ بارلىعى وسىندا تۇركىستان قالاسىنا كوشپەك. ال اكىمدىككە قاراستى وبلىستىق 24 باسقارما دا كەلەسى ايدا تولىعىمەن كوشىپ، جاڭا وبلىس ورتالىعىندا ءوز جۇمىستارىن باستاماق.
تۇركىستان وبلىسى اكىمىنىڭ باسپا ءسوز قىزمەتى
