2025 جىلى قازاقستان ەكونوميكاسى ٶسٸپ, دوللار باعامى تۇراقتانادى دەگەن بولجام جاسالدى دەپ جازادى Dalanews.kz.
ەۋرازييالىق دامۋ بانكٸ (ەابر) قازاقستانداعى جٸٶ 5,5%-عا ارتادى دەپ وپتيميستٸك ستسەناريي ۇسىنىپ وتىر. سونىمەن قاتار, دوللاردىڭ ورتاشا باعامى 486 تەڭگە دەڭگەيٸندە ساقتالادى دەپ كٷتٸلۋدە.
قارجى ينستيتۋتىنىڭ ساراپشىسى ايگٷل بەردٸعۇلوۆانىڭ پٸكٸرٸنشە, قازاقستاننىڭ ۆاليۋتا نارىعىنداعى قۇبىلمالىلىق ۋاقىتشا سيپاتقا يە. ول ۇلتتىق ۆاليۋتاعا سىرتقى فاكتورلاردىڭ قىسىمى بايقالاتىنىن, الايدا جاعداي تۇراقتانادى دەپ سەنٸم بٸلدٸرەتٸنٸن ايتتى.
"بٸز ۇلتتىق بانكتٸڭ ەرەكەتتەرٸن ۋاقىتىلى, ناقتى جەنە تيٸمدٸ دەپ باعالايمىز. ۆاليۋتا نارىعىنداعى تۇراقتىلىقتى قالپىنا كەلتٸرۋگە ىقپال ەتەتٸن بٸرنەشە نەگٸزگٸ فاكتور بار. بۇل, ەڭ الدىمەن, كۆازيمەملەكەتتٸك سەكتور تاراپىنان ۆاليۋتالىق تٷسٸمدٸ مٸندەتتٸ تٷردە ساتۋ تالاپتارى, بيۋدجەتتٸ قارجىلاندىرۋ ٷشٸن ۇلتتىق قوردان ترانسفەرتتەردٸ كونۆەرتاتسييالاۋ جەنە جوعارى بازالىق مٶلشەرلەمە," – دەپ اتاپ ٶتتٸ ساراپشى.
بانك ساراپشىلارى مۇنداي بولجامدى جاڭا ينۆەستيتسييالىق تسيكلدىڭ ٸسكە قوسىلۋىمەن بايلانىستىرىپ وتىر.
2029 جىلعا دەيٸن قازاقستانعا 150 ملرد دوللار كٶلەمٸندە شەتەلدٸك ينۆەستيتسييا تارتۋ جوسپارلانعان. بۇل ٶڭدەۋشٸ ٶنەركەسٸپتٸڭ دامۋىن ىنتالاندىرىپ, ەكونوميكالىق قۇرىلىمدى ەرتاراپتاندىرۋعا ىقپال ەتەدٸ. سونىمەن قاتار, قازاقستاننىڭ بيداي ەكسپورتى قايتا جاندانىپ, ەكونوميكاعا قوسىمشا قولداۋ كٶرسەتەدٸ دەپ بولجانۋدا.
2025 جىلدىڭ ەكٸنشٸ جارتىسىندا تەڭٸز كەن ورنىنداعى مۇناي ٶندٸرۋ مەن ەكسپورت كٶلەمٸ ۇلعايادى دەپ كٷتٸلۋدە. بۇل جٸٶ-نٸڭ ٶسۋٸنە 0,4-0,6 پايىزدىق پۋنكت قوسىپ, ەكونوميكاعا وڭ ەسەرٸن تيگٸزبەك. سونىمەن بٸرگە, بازالىق مٶلشەرلەمەنٸڭ تٶمەندەۋٸ ەكونوميكالىق بەلسەندٸلٸكتٸ ارتتىراتىن جاڭا يمپۋلس بەرەدٸ. بانك بولجامدارى بويىنشا, 2026-2027 جىلدارى قازاقستان ەكونوميكاسى تۇراقتى تٷردە 5,5% ٶسٸم كٶرسەتەدٸ.
ينفلياتسييا دەڭگەيٸ دە بٸرتٸندەپ تٶمەندەيدٸ. 2025 جىلدىڭ سوڭىندا ينفلياتسييا 7,3%-عا دەيٸن باياۋلايدى, الايدا تۇرعىن ٷي-كوممۋنالدىق قىزمەتتەر باعاسىنىڭ 10-15%-عا ٶسۋٸ ەلٸ دە ىقتيمال. قر ۇلتتىق بانكٸ 2025 جىلدىڭ سەۋٸرٸنە دەيٸن بازالىق مٶلشەرلەمەنٸ 15%-دان جوعارى دەڭگەيدە ۇستاپ تۇرادى دەپ بولجانۋدا.
جىل سوڭىنا قاراي بازالىق مٶلشەرلەمە 11,25%-عا دەيٸن تٶمەندەيدٸ, ال 2027 جىلدىڭ سوڭىندا ول 8%-عا دەيٸن تٷسۋٸ مٷمكٸن.
ۇلتتىق قوردان بٶلٸنەتٸن 5,25 ترلن تەڭگە كٶلەمٸندەگٸ ترانسفەرت ٸشكٸ نارىقتا شەتەلدٸك ۆاليۋتا ۇسىنىسىن ارتتىرادى, بۇل تەڭگە باعامىن قولداۋعا ىقپال ەتەدٸ. دەگەنمەن, يمپورتتىڭ ۇلعايۋى مەن سىرتقى قارىزداردى ٶتەۋگە ارنالعان تٶلەمدەر تەڭگەگە قىسىم تٷسٸرۋٸ مٷمكٸن. وسىلايشا, قازاقستان ەكونوميكاسى 2025 جىلى تۇراقتىلىقتى ساقتاي وتىرىپ, قۇرىلىمدىق ٶزگەرٸستەر مەن ينۆەستيتسييالىق ٶسٸمگە باعىت الماق.
