قاراعاندىدا ٶزٸن "ەمشٸ" ەرٸ "بالگەر" رەتٸندە تانىستىرعان ٷش ەيەل 78 جاستاعى زەينەتكەردٸ الداپ, ونىڭ 15 ميلليون تەڭگە تۇراتىن التىن بۇيىمدارى مەن اقشاسىن يەمدەنٸپ كەتكەن, دەپ حابارلايدى dalanews.kz.
وقيعا بىلتىر جەلتوقساندا بولعان. ٷيٸنە قايتىپ بارا جاتقان قاريياعا كٶشەدە ٷش بەيتانىس ەيەل جولىعىپ, ەڭگٸمەگە تارتقان. العاشىندا ولار ستوماتولوگيياعا اپاراتىن جولدى سۇراپ, كەيٸن زەينەتكەردٸڭ سەنٸمٸنە كٸرٸپ, پسيحولوگييالىق قىسىم كٶرسەتۋگە كٶشكەن. كٷدٸكتٸلەردٸڭ بٸرٸ ەيەلگە "جاقىن ادامى سالعان ەسكٸ قارعىس بار" ەكەنٸن ايتىپ, ونى دەرەۋ قايتارماسا, ٶزٸنە قىمبات ادامنىڭ ٶمٸرٸنە قاۋٸپ تٶنەتٸنٸن جەتكٸزگەن. وسىنداي ٷرەيلٸ سٶزدەرگە سەنگەن زەينەتكەر الاياقتاردىڭ ەربٸر نۇسقاۋىن بۇلجىتپاي ورىنداعان.
ەيەلدەر الدىمەن "تازارتاتىن ينە" ساتىپ الۋدى ۇسىنىپ, تٷرلٸ ىرىم-جورالعىلاردى جاساعان. كەيٸن ٷيٸنەن شيكٸ جۇمىرتقا ەكەلۋدٸ سۇراپ, سوڭىندا قارعىستان ارىلۋ ٷشٸن بارلىق التىن بۇيىمى مەن اقشاسىن گازەتكە وراپ بەرۋدٸ تالاپ ەتكەن. ٶز كەزەگٸندە ولار مٶرلەنگەن تٷيٸنشەك ۇستاتىپ, ونى 40 كٷن ٶتكەن سوڭ عانا اشىپ, ٸشٸندەگٸسٸن ٶرتەپ, كٷلٸن سول جەرگە ەكەلۋ كەرەكتٸگٸن ايتقان.
الايدا سول تٷنٸ-اق كٷمەندانعان زەينەتكەر تٷيٸنشەكتٸ اشىپ كٶرگەندە, ٸشٸندە بوس قاعاز عانا جاتقانىن بايقاعان.
تەرگەۋ بارىسىندا كٷدٸكتٸلەر پاۆلودار جەنە الماتى قالالارىنىڭ, سونداي-اق, جەتٸسۋ وبلىسىنىڭ تۇرعىندارى ەكەنٸ انىقتالدى. جەدەل اقپارات نەگٸزٸندە كٷدٸكتٸلەر تەمٸرتاۋ قالاسىندا جٷرگەنٸ بەلگٸلٸ بولىپ, ولار ۇستالدى.
"قازٸر بۇل دەرەك بويىنشا تەرگەۋ ەرەكەتتەرٸ جٷرگٸزٸلٸپ جاتىر. كٷدٸكتٸلەر ۋاقىتشا ۇستاۋ يزولياتورىنا قامالدى", - دەدٸ پوليتسييا.
