قازاقستان ۇكىمەتى ساقتاندىرىلماعان مال شىعىنىن وتەمەيدى. بۇگىن، ءساۋىردىڭ 4-ىنە پارلامەنت ماجىلىسىندەگى ۇكىمەت ساعاتىنا كەلگەن اۋىل شارۋاشىلىعى ءمينيسترى ەربول قاراشۇكەيەۆ جۋرناليستەر سۇراعىنا وسىلاي جاۋاپ بەردى.

- سۋ تاسقىنىندا ولگەن مال شىعىنىن ۇكىمەت وتەيتىنى زاڭدا كورسەتىلمەگەن،- دەدى ول.

بيىل كوكتەم شىعا قازاقستاننىڭ ءار وڭىرىندە سۋ تاسقىنى بولىپ، تۇرعىن ۇيلەرگە، مال شارۋاشىلىعىنا زالال كەلتىرە باستاعانى بايقالعان. باتىس قازاقستان، اقتوبە وبلىستارىندا بىرنەشە ەلدىمەكەندى سۋ الىپ، ونداعان ءۇيدىڭ تۇرعىندارى ۋاقىتشا باسپاناعا كوشىرىلگەن. سۋ باسقان ايماقتا تۇراتىندار مال شىعىنى بارىن حابارلاعان.

ەربول قاراشوكەيەۆتىڭ ايتۋىنشا، مال شىعىنىن ۇكىمەت وتەمەسە دە، ولگەن مال باسى سانالادى. ونداي مالىمەتتى جەرگىلىكتى اكىمدىكتەر جيناپ، مينيسترلىككە تاپسىرادى.

قازاقستاندا 2020 جىلدىڭ كۇزىنەن باستاپ مالدى ساقتاندىرۋ جۇيەسى بەكىتىلگەن. بۇل جۇيە بويىنشا ساقتاندىرىلعان مال ينفەكسيالىق اۋرۋلاردان، ءقاۋىپتى تابيعي قۇبىلىستاردان، جازاتايىم وقيعالاردان ولسە، شىعىنىن "اۋىل شارۋا­شىلىعىن قارجىلاي قولداۋ قورى" تولەيدى.