پەتروپاۆل قالاسىنىڭ تۇرعىنى, بلوگەر يرينا انتونەنكو جالپىحالىقتىق ازا تۇتۋ كٷنٸ جاساعان ەرەكەتٸ ٷشٸن 10 تەۋلٸككە ەكٸمشٸلٸك قاماۋعا الىندى. العاشىندا پوليتسييا ەسكەرتۋ جاساۋمەن شەكتەلگەنٸمەن, قوعامداعى قىزۋ تالقىلاۋدان كەيٸن ٸس سوتقا جەتتٸ, دەپ حابارلايدى dalanews.kz.
قارالى كٷنٸ ويىن-ساۋىق ۇيىمداستىرعان
ەل ازا تۇتىپ جاتقان كٷنٸ بلوگەر ەلەۋمەتتٸك جەلٸدە كٶڭٸلدٸ ەۋەن قوسىپ, بي بيلەگەن تٸكەلەي ەفير ٶتكٸزگەن. كٶرەرمەندەردٸڭ سىنىنا جاۋاپ بەرگەن ول قازا بولعان ادامداردى جەكە تانىمايتىنىن ايتىپ, سول ٷشٸن ٶز جوسپارلارىن ٶزگەرتكٸسٸ كەلمەيتٸنٸن جەتكٸزگەن. بۇل مەلٸمدەمە ەلەۋمەتتٸك جەلٸ قولدانۋشىلارىنىڭ نارازىلىعىن كٷشەيتٸپ, وقيعا بٷكٸل ەل كٶلەمٸندە تالقىلاندى.
وقيعادان كەيٸن قازاقستاندىقتار بلوگەردٸڭ ەرەكەتٸن قارالى كٷنگە جەنە قازا بولعانداردىڭ جاقىندارىنا قۇرمەتسٸزدٸك رەتٸندە باعالاپ, قاتاڭ جاۋاپكەرشٸلٸككە تارتۋدى تالاپ ەتتٸ. كٶپشٸلٸك شىمكەنتتەگٸ ۇقساس جاعدايدى مىسالعا كەلتٸردٸ. بۇعان دەيٸن TikTok-تاعى ەفير كەزٸندە ورىنسىز ەرەكەت جاساعان 21 جاستاعى نۇراحمەت بەردٸباي سوت شەشٸمٸمەن 10 تەۋلٸككە قامالىپ, ەفيرگە قاتىسقان تاعى ەكٸ ادام پروفيلاكتيكالىق ەسەپكە الىنعان بولاتىن.
العاشىندا ەسكەرتۋمەن شەكتەلگەن
پەتروپاۆلدا پوليتسييا باستاپقىدا بلوگەرگە رەسمي ەسكەرتۋ جاساپ, پروفيلاكتيكالىق ەڭگٸمە جٷرگٸزۋمەن عانا شەكتەلگەن. كەيٸن انتونەنكو ەلەۋمەتتٸك جەلٸدە كەشٸرٸم سۇراعان ۆيدەو جارييالاپ, ايىپپۇل تٶلەۋگە نەمەسە قاماۋعا الىنۋعا دايىن ەكەنٸن مەلٸمدەگەن. الايدا وقيعا قوعام نازارىنان تٷسپەي, اقىرى سوتقا جولداندى.
سوت شەشٸمٸمەن يرينا انتونەنكو 10 تەۋلٸككە ەكٸمشٸلٸك قاماۋعا الىندى. وسىلايشا بلوگەر الداعى بٸر جارىم اپتانى ارنايى قابىلداۋ ورنىندا ٶتكٸزەدٸ.
جانجالدان كەيٸن انتونەنكو جۇمىسىنان كەتكەنٸن دە حابارلادى. ونىڭ ايتۋىنشا, ول جۇمىستان شىعۋ تۋرالى ٶتٸنٸشتٸ بٸر كٷن بۇرىن جازعان. بلوگەر پەتروپاۆلداعى مەديتسينالىق مەكەمەلەردٸڭ بٸرٸندە سانيتار بولىپ جۇمىس ٸستەگەن. وقيعادان كەيٸن ول قىزمەت ورنىنان كەتكەنٸن مەلٸمدەدٸ.
