قاراعاندىدا ٶزٸ جۇمىس ٸستەيتٸن سۇلۋلىق سالونىن توناعان قىزمەتكەر ۇستالدى, دەپ حابارلايدى dalanews.kz.
الدىن الا مەلٸمەت بويىنشا سالون قىزمەتكەرٸ جۇمىس ورنىنىڭ ٸشكٸ تەرتٸبٸن, جۇمىس كەستەسٸن جەنە اقشا ساقتالاتىن ورىندى جاقسى بٸلگەن. وسى مٷمكٸندٸكتٸ پايدالانىپ, ول سىبايلاسىمەن الدىن الا سٶز بايلاسىپ, سالونعا زاڭسىز كٸرٸپ, كاسساداعى اقشانى جىمقىرعان. قىلمىس سەتٸ سالوندا ورناتىلعان بەينەباقىلاۋ كامەرالارىنا تٷسٸپ قالعان. بەينەجازبالاردى زەردەلەۋ بارىسىندا پوليتسييا قىزمەتكەرلەرٸ كٷدٸكتٸلەردٸڭ ەرەكەتٸن جەدەل تٷردە انىقتاعان.
سالون يەسٸ تاڭەرتەڭ جۇمىسقا كەلگەن كەزدە اقشا جوعالعانىن بايقاپ, پوليتسيياعا حابارلاسقان. پوليتسييا قىزمەتكەرلەرٸ كٷدٸكتٸلەردٸ انىقتاپ, ۇستاۋعا باعىتتالعان جەدەل ٸزدەستٸرۋ ٸس-شارالارىن جٷرگٸزدٸ.
نەتيجەسٸندە كٷدٸكتٸلەر قالادان شىعىپ كەتۋگە ەرەكەت جاساعان كەزدە تەمٸرجول ۆوكزالىندا ۇستالعان. قازٸر بۇل دەرەك بويىنشا قىلمىستىق ٸس قوزعالىپ, سوتقا دەيٸنگٸ تەرگەپ-تەكسەرۋ جٷرگٸزٸلٸپ جاتىر.
