Qaraǵandyda ózi jumys isteitin sulýlyq salonyn tonaǵan qyzmetker ustaldy, dep habarlaidy dalanews.kz.
Aldyn ala málimet boiynsha salon qyzmetkeri jumys ornynyń ishki tártibin, jumys kestesin jáne aqsha saqtalatyn oryndy jaqsy bilgen. Osy múmkindikti paidalanyp, ol sybailasymen aldyn ala sóz bailasyp, salonǵa zańsyz kirip, kassadaǵy aqshany jymqyrǵan. Qylmys sáti salonda ornatylǵan beinebaqylaý kameralaryna túsip qalǵan. Beinejazbalardy zerdeleý barysynda politsiia qyzmetkerleri kúdiktilerdiń áreketin jedel túrde anyqtaǵan.
Salon iesi tańerteń jumysqa kelgen kezde aqsha joǵalǵanyn baiqap, politsiiaǵa habarlasqan. Politsiia qyzmetkerleri kúdiktilerdi anyqtap, ustaýǵa baǵyttalǵan jedel izdestirý is-sharalaryn júrgizdi.
Nátijesinde kúdiktiler qaladan shyǵyp ketýge áreket jasaǵan kezde temirjol vokzalynda ustalǵan. Qazir bul derek boiynsha qylmystyq is qozǵalyp, sotqa deiingi tergep-tekserý júrgizilip jatyr.
