قاراعاندى وبلىسىندا سايلاۋ ناۋقانى قىزا تٷستٸ. ساعات 14:00-دەگٸ جاعداي بويىنشا ٶڭٸردٸڭ بارلىق قالا, اۋداندارىنىڭ تۇرعىندارى ٷزدٸكسٸز كەلٸپ, بەلسەندٸلٸك تانىتۋدا, دەپ حابارلايدى dalanews.kz.
داۋىس بەرٸپ جاتقانداردىڭ اراسىندا تٷرلٸ بۋىن ٶكٸلدەرٸ بار. بٸرٸ وتباسىمەن كەلسە, ەندٸ بٸرٸ جۇمىسقا دەيٸن نەمەسە اۋىسىمنان كەيٸن كەلٸپ, داۋىس بەرٸپ جاتىر. سايلاۋعا العاش رەت قاتىسىپ جاتقان جاستار دا بار. ال اعا بۋىن ٷشٸن ەل ٶمٸرٸندەگٸ ماڭىزدى سەتتە ٶز تاڭداۋىن جاساۋ – بۇرىننان قالىپتاسقان ٷردٸس.
ٶندٸرٸستٸ ٶڭٸردٸڭ ٶز ەرەكشەلٸگٸ بار. بٷگٸن مىڭداعان قاراعاندىلىق جۇمىس ورنىندا, ولاردىڭ اراسىندا ٶندٸرٸسٸ ٷزدٸكسٸز كەسٸپورىنداردىڭ قىزمەتكەرلەرٸ دە بار. اۋىسىممەن ەڭبەك ەتەتٸن جۇمىسشىلارعا ٶندٸرٸس ٷدەرٸسٸنە كەدەرگٸ كەلتٸرمەي, ٶزدەرٸنە قولايلى ۋاقىتتا سايلاۋ ۋچاسكەسٸنە بارىپ, داۋىس بەرۋ مٷمكٸندٸگٸ جاسالعان.
سايلاۋ ۋچاسكەلەرٸندە ەگدە جاستاعى ازاماتتار مەن ەرەكشە قاجەتتٸلٸگٸ بار تۇرعىندارعا تيٸستٸ جاعداي قاراستىرىلعان. سايلاۋ بارىسىن باقىلاپ وتىرعان بايقاۋشىلار دا داۋىس بەرۋدٸڭ اشىق ٶتٸپ جاتقانىن اتاپ ٶتتٸ. ولاردىڭ ايتۋىنشا, وسى ۋاقىتقا دەيٸن سايلاۋ ۋچاسكەلەرٸندە زاڭبۇزۋشىلىقتار تٸركەلگەن جوق.
داۋىس بەرۋ جالعاسۋدا, ال سايلاۋ ۋچاسكەلەرٸندەگٸ بەلسەندٸلٸك ەلٸ دە جوعارى.
