Qaraǵandy oblysynda sailaý naýqany qyza tústi. Saǵat 14:00-degi jaǵdai boiynsha óńirdiń barlyq qala, aýdandarynyń turǵyndary úzdiksiz kelip, belsendilik tanytýda, dep habarlaidy dalanews.kz.
Daýys berip jatqandardyń arasynda túrli býyn ókilderi bar. Biri otbasymen kelse, endi biri jumysqa deiin nemese aýysymnan keiin kelip, daýys berip jatyr. Sailaýǵa alǵash ret qatysyp jatqan jastar da bar. Al aǵa býyn úshin el ómirindegi mańyzdy sátte óz tańdaýyn jasaý – burynnan qalyptasqan úrdis.
Óndiristi óńirdiń óz ereksheligi bar. Búgin myńdaǵan qaraǵandylyq jumys ornynda, olardyń arasynda óndirisi úzdiksiz kásiporyndardyń qyzmetkerleri de bar. Aýysymmen eńbek etetin jumysshylarǵa óndiris úderisine kedergi keltirmei, ózderine qolaily ýaqytta sailaý ýchaskesine baryp, daýys berý múmkindigi jasalǵan.
Sailaý ýchaskelerinde egde jastaǵy azamattar men erekshe qajettiligi bar turǵyndarǵa tiisti jaǵdai qarastyrylǵan. Sailaý barysyn baqylap otyrǵan baiqaýshylar da daýys berýdiń ashyq ótip jatqanyn atap ótti. Olardyń aitýynsha, osy ýaqytqa deiin sailaý ýchaskelerinde zańbuzýshylyqtar tirkelgen joq.
Daýys berý jalǵasýda, al sailaý ýchaskelerindegi belsendilik áli de joǵary.
