قاراعاندىنىڭ بۇرىنعى اكىمى ءارى ءماجىلىستىڭ بۇرىنعى دەپۋتاتى شايمەردەن ورازالينوۆتىڭ ۇلى (1942-2019) قارت اناسىن ۇرىپ-سوققان، - دەپ حابارلايدى Dalanews.kz دەرەكتەرىنە cىلتەپ.
پاتريوت Telegram-ارناسى مالىمەتىنشە، ەر ادام زەينەتكەردىڭ مۇرنى مەن بىرنەشە قابىرعاسىن سىندىرعان. ىشكى مۇشەلەرىن دە زاقىمداعان. 78 جاستاعى ايەل سوققىدان كەيىن كەيىن ەكى كۇن ۇيدە جاتىپ قالعان. سەبەبى ۇلىنا زيان تيگىزگىسى كەلمەگەن، سوندىقتان كومەك سۇراماۋدى ءجون كورگەن.
ءبىراق ءۇشىنشى كۇنى كورشىلەرى ەگدە جاستاعى ايەلدىڭ اۋىر جاعدايىن كورىپ، جەدەل جاردەم شاقىرعان. ال دارىگەرلەر سوققىعا جىعىلعان ادامنىڭ جاعدايىنان كەيىن پوليسياعا حابارلاسىپتى.
جەدەل قىزمەتكەرلەرى كۇدىكتىنى ۇستاعان. جاۋاپ الۋ كەزىندە ول جۇيكە اۋرۋى بارىن ايتىپتى. قاراعاندى تەرگەۋ سوتى ورازالينوۆتىڭ ۇلىن ەكى ايعا قاماۋعا الدى.
