قاراعاندى وبلىسىندا اسكەري ءبولىم ديۆيزيونىنىڭ كومانديرى ەسىرتكىنىڭ ءىرى پارتياسىمەن ۇستالدى، - دەپ حابارلايدى Dalanews.kz Orda.kz-كە سىلتەپ.
№ 29108 اسكەري ءبولىم ديۆيزيونىنىڭ كومانديرىن ۇستاۋ تۋرالى اقپارات بۇرىن جەلىدە پايدا بولعان.
ۇستاۋ فاكتىسىن قاراعاندى وبلىسىنىڭ پوليسيا دەپارتامەنتى راستاعان. ۆەدومستۆونىڭ مالىمەتىنشە، پاترۋلدىك پوليسەيلەر 10 قاراشادا بالقاش-سارىشاعان جولىندا جول ەرەجەسىن بۇزعانى ءۇشىن "Geely Coolray" اۆتوكولىگىن توقتاتقان.
31 جاستاعى جۇرگىزۋشى كولىكتى مەملەكەتتىك ءنومىرسىز جۇرگىزگەن.
تەكسەرۋ كەزىندە جالپى سالماعى شامامەن 12 كەلى بولاتىن 18 اق ۇنتاق پاكەتى تابىلدى. تىيىم سالىنعان زاتتىڭ بولۋىن راستايتىن جەدەل-تەرگەۋ توبى شاقىرىلدى.
"ەسىرتكىنى تابۋ فاكتىسى بويىنشا قىلمىستىق ءىس قوزعالدى، كۇدىكتى ۇستالدى جانە ۋاقىتشا ۇستاۋ يزولياتورىنا ورنالاستىرىلدى"، - دەيدى پوليسيا دەپارتامەنتىنىڭ وكىلدەرى.
№ 29108 اسكەري ءبولىمى جەتىسۋ وبلىسىنىڭ كەربۇلاق اۋدانىندا ورنالاسقان.
