2025-2026 وقۋ جىلىندا "قازاقستان حالقىنا" قوعامدىق قورى "قازاقستان حالقىنا" قق ءبىلىم بەرۋ گرانتتارى" قايىرىمدىلىق باعدارلاماسى اياسىندا تالاپكەرلەرگە جوعارى وقۋ ورىندارىندا وقۋعا 500 ءبىلىم بەرۋ گرانتىن ءبولدى، دەپ حابارلايدى Dalanews.kz.
ق ر عىلىم جانە جوعارى ءبىلىم مينيسترلىگىنىڭ مالىمەتىنشە، باعدارلاما شارتى نەگىزىندە ءبىلىم بەرۋ گرانتىنا مىناداي ساناتتاعى تالاپكەرلەر ۇمىتكەر بولا الادى:
- اۋىلدىق جەرلەردەگى، شاعىن جانە مونوقالالارداعى از قامتىلعان وتباسىلاردان شىققان بالالار؛
- جەتىم بالالار نەمەسە كامەلەتكە تولعانعا دەيىن اتا-اناسىنىڭ قامقورلىعىنسىز قالعاندار؛
- مۇگەدەكتىگى بار ازاماتتار؛
- مۇگەدەك بالالاردى تاربيەلەپ وتىرعان وتباسىلاردان شىققان بالالار؛
- 2022 جىلعى قايعىلى قاڭتار وقيعالارى كەزىندە قازا تاپقان قازاقستان رەسپۋبليكاسى ازاماتتارىنىڭ بالالارى؛
- 2022 جىلعى قايعىلى قاڭتار وقيعالارى كەزىندە جاراقات العان بالالار.
ايتا كەتەيىك، باعدارلاماعا قاتىسۋدىڭ شەكتى جاسى تولىق 29 جاستى قۇرايدى.
ءبىلىم بەرۋ گرانتى ءبىر رەتتىك تارتىپپەن اتاۋلى گرانت نەگىزىندە ۇسىنىلادى. بۇل گرانت جوعارى ءبىلىمى بار تۇلعالارعا، سونداي-اق رەسپۋبليكالىق نەمەسە جەرگىلىكتى بيۋدجەت قاراجاتى ەسەبىنەن "باكالاۆر" دارەجەسىن الۋ ءۇشىن مەملەكەتتىك ءبىلىم بەرۋ گرانتى تاعايىندالعان تۇلعالارعا ەكىنشى جوعارى ءبىلىم الۋعا جانە ونلاين-وقۋعا بەرىلمەيدى.
گرانت تاعايىندالاتىن ۇمىتكەرلەردىڭ ءتىزىمىن ججوكبۇ/فيليال اعىمداعى كۇنتىزبەلىك جىلى ۇبت-دان وتكەن جانە ونىڭ ناتيجەلەرى بويىنشا وقۋعا ءتۇسۋ ءۇشىن قاجەتتى شەكتى بالىن جيناعان (ونىڭ ىشىندە شىعارماشىلىق ەمتيحانداردى ەسكەرە وتىرىپ) تالاپكەرلەر قاتارىنان قۇرايدى. ءتىزىم جوعارى وقۋ ورنىنىڭ نەمەسە فيليالدىڭ كونكۋرستىق كوميسسياسى وتىرىسىنىڭ حاتتاماسى تۇرىندە راسىمدەلەدى.
جوو ءتىزىمى، گرانت سانى جانە ىسكە اسىرۋ جوسپارى بويىنشا تولىق ماعلۇماتپەن «قازاقستان حالقىنا» قق رەسمي سايتىندا qazaqstanhalqyna.kz تانىسا الاسىزدار.
