سۋديا رومان سەليتسكيي حاميت پەن بيمۋرزاەۆتى "ازاپتاۋ" بابىمەن ايىپتى دەپ تاۋىپ, ٷش جىلعا سوتتادى. ولار جازاسىن قونىس كولونيياسىندا ٶتەۋٸ تيٸس. ال قالىمبايدىڭ "قىزمەتٸنە سالعىرت قارادى" دەگەن ايىپپەن بٸر جارىم جىلعا باس بوستاندىعى شەكتەلدٸ.
سوت ٷشەۋٸن قىزمەتتە العان شەندەرٸنەن ايىرىپ, ٷش جىل ورگاندا جۇمىس ٸستەۋگە تىيىم سالدى. ايىپتالۋشىلار سوتتا ٶز كٸنەلارىن مويىندامادى.
ٷش پوليتسەيگە ٷكٸم شىققانىن سۋديا سەليتسكييدٸڭ حاتشىسى ايدانا ايدٸلداەۆا راستادى, بٸراق ول باسقا اقپارات بەرۋگە قۇقىعىم جوق دەپ ٷكٸمگە قاتىستى پٸكٸر ايتپادى.
باقىت حاميتتٸڭ ادۆوكاتى مارات ايداربەكوۆ ازاتتىققا "ٷكٸممەن كەلٸسپەيتٸندەرٸن, اپەللياتسييالىق شاعىم تٷسٸرەتٸندەرٸن" جەتكٸزدٸ.
ادۆوكاتتىڭ ويىنشا, تەرگەۋ كەزٸندە كٶپ زاڭ بۇزىلعان, ال تەرگەۋگە سەبەپ بولعان ۆيدەوجازبا زاڭسىز جولمەن الىنعان.
– مۇنداي ۆيدەوجازبا تەرگەۋ سوتىنىڭ سانكتسيياسىمەن عانا الىنۋى كەرەك, سەبەبٸ وقيعا كٷزەتٸلەتٸن قۇپييا مەكەمە – پوليتسييا بٶلٸمشەسٸندە بولعان. بٸراق تەرگەۋ سوتىنىڭ سانكتسيياسى بولماعان. ەگەر دەلەلدٸڭ الىنۋ جولى زاڭسىز بولسا, سوت ول ۆيدەونى قابىلداماۋى كەرەك ەدٸ, – دەيدٸ ادۆوكات.
29 جاستاعى تيمۋر رادچەنكونى ازاپتاۋ ٸسٸ قاراشا سوڭىندا قارالا باستاعان. ول سوتتا "2022 جىلى 8 قاڭتاردا پوليتسەيلەر كٶلٸك ايداپ كەتتٸ دەگەن كٷدٸكپەن ٶزٸن بوستاندىق اۋدانى پوليتسييا بٶلٸمشەسٸنە اپارىپ, سوققانىن" ايتقان. رادچەنكو پوليتسەيلەر تٶرت كٷن بٶلٸمشەدە زاڭسىز ۇستاعانىن دا مەلٸمدەگەن.
10 قاڭتارداعى وتىرىستا پروكۋرور پوليتسەيلەرگە تٶرت جىل تٷرمە جازاسىن سۇراعان. ال رادچەنكو "قالىمباي مەن بيمۋرزاەۆ شىعىندى ٶتەگەنگە دەيٸن كەشٸرٸم سۇرادى" دەگەن.
– ولار تٶرت جىل وتىرعانىن قالامايمىن, بۇل كٶپ. ولاردى كەشٸردٸم, وتباسىلارى بار, جۇمىستان دا شىعارماساڭىزدار. ال باقىت حاميت كەشٸرٸم دە سۇراعان جوق, ودان مورالدىق شىعىن رەتٸندە 300 مىڭ تەڭگە ٶندٸرۋدٸ سۇرايمىن. كەشٸرٸم سۇرامادى. سۋديا, ٶزٸڭٸز شەشەرسٸز, – دەدٸ رادچەنكو سوتتا.
ال سوتتاعى سوڭعى سٶزدەرٸندە حاميت, قالىمباي جەنە بيمۋرزاەۆ ايىپپەن كەلٸسپەگەن. بٸراق بيمۋرزاەۆ رادچەنكوعا قول كٶتەرٸپ جٸبەرگەنٸن مويىنداعان.
– ايىپپەن كەلٸسپەيمٸن. تيمۋر رادچەنكومەن تانىس ەمەسپٸن. قاڭتار وقيعاسى كەزٸندە تٶرت كٷن دەمالىسسىز جۇمىس ٸستەدٸم. رادچەنكو تٸل تيگٸزگەندە سالىپ جٸبەرگەنٸم راس. ٷستٸندەگٸ كيٸمٸنٸڭ "كاپيۋشونىن" جۇلىپ العانىم دا راس. ازاپتامادىم. ٷكٸم شىعاراردا تٶرت بالام بارىن ەسكەرسەڭٸز, جەبٸرلەنۋشٸدەن دە كەشٸرٸم سۇرادىم, – دەدٸ بيمۋرزاەۆ سوتتا.
سوت ٷكٸمٸ ەلٸ كٷشٸنە ەنگەن جوق.
2022 جىلى قاڭتار وقيعاسى كەزٸندە ۇستالعان جٷزدەگەن ادام قاماۋدا ازاپتالعاندارىن ايتقان. باس پروكۋراتۋرا قاڭتار قىرعىنىندا قازا تاپقان 238 ادامنىڭ التاۋى ازاپتاۋدان كٶز جۇمدى دەگەن.
بيلٸك باسىندا ازاپتاۋ فاكتٸلەرٸن جوققا شىعارىپ كەلگەن, كەيٸن ازاپتاۋ فاكتٸلەرٸن ايتۋشىلار كٶبەيگەن تۇستا بۇل اقپاراتتى مويىندادى.
باس پروكۋرور بەرٸك اسىلوۆ 5 قاڭتاردا پارلامەنتتەگٸ جيىندا ازاپتاۋ شاعىمدارى بويىنشا 329 ٸس قوزعالىپ, پروكۋراتۋرادا ۇقك مەن پوليتسييانىڭ 34 قىزمەتكەرٸنٸڭ ٸسٸ قارالىپ جاتقانىن ايتقان.
