ىشكى ىستەر مينيسترلىگى زاڭسىز اينالىمنان قارۋدى، ونىڭ ىشىندە قاڭتار وقيعاسى كەزىندە ۇرلانعان قارۋ-جاراقتى تاركىلەۋ بويىنشا جۇمىستى جالعاستىرىپ جاتىر، - دەپ حابارلايدى Dalanews.kz.
جىل باسىنان بەرى پوليسيا 664 قارۋ، 54 گراناتا جانە 8 مىڭعا جۋىق ءوق-دارى تاركىلەگەن. كەيىنگى ءۇش جىلدا 8 541 قارۋ، سونداي-اق، 870 گراناتا مەن 118 246 ءوق-دارى تاركىلەندى.
"جەدەل ءىس-شارالار بارىسىندا ەلىمىزدىڭ ءارتۇرلى وڭىرىندە 2 316 قارۋ ساقتالعان 772 سحرون تابىلدى. بۇگىندە 1 263 قارۋ قاڭتار وقيعاسى كەزىندە ۇرلانعانى انىقتالدى. تاركىلەنگەن قالعان 7 278 قارۋدىڭ تىركەۋ نومىرلەرىن قاسكويلەر قاساقانا جويعان. وسىعان بايلانىستى ءتيىستى ساراپتامالار تاعايىندالدى. بۇل باعىتتاعى جۇمىس تۇراقتى نەگىزدە جۇرگىزىلەدى"، - دەدى ءىىم كريمينالدىق پوليسيا دەپارتامەنتىنىڭ باستىعى قانات نۇرماعامبەتوۆ.
