اقتٶبەدە قاراقشىلىق شابۋىلدان امان قالعان قىزعا دەر كەزٸندە قول ۇشىن سوزباعان قۇتقارۋشىعا قاتىستى سوت ٷكٸمٸ شىقتى. تٶتەنشە جاعدايلار دەپارتامەنتٸنٸڭ قىزمەتكەرٸ ابىلايحان بەرجانوۆ ٶز جۇمىسىنا سالعىرت قاراعانى ٷشٸن التى اي ەمٸن-ەركٸن جٷرٸپ تۇرا المايدى, دەپ حابارلايدى Dalanews.kz كتك ارناسىنا سٸلتەپ.
وسىدان ون اي بۇرىن تٷن جارىمىندا 112 قۇتقارۋ قىزمەتٸنە 13 جاستاعى سوفييا حابارلاسقان. بايلانىس بٸرنەشە رەت ٷزٸلٸپ كەتٸپتٸ. كەيٸن تەلەفون تۇتقاسىن كٶتەرگەن كەزەكشٸنٸڭ كٶمەكشٸسٸنە جاسٶسپٸرٸم پىشاق جاراقاتىن العانىن, اناسى مەن باۋىرىن قىلمىسكەر ٶلتٸرٸپ كەتكەنٸن ايتادى. بٸراق وعان ابىلايحان بەرجانوۆ يلانا قويماپتى. كەرٸسٸنشە, بالاعا "ويناماي, تىنىش وتىرۋىن" سۇرايدى. قانسىراعان جاسٶسپٸرٸم وسى ارالىقتا تالىپ قالعان. ەسٸن قايتا جيىپ, تاعى دا قۇتقارۋ قىزمەتٸنەن كٶمەك سۇرايدى. وقۋشى بٸرنەشە رەت مەكەنجايدى انىق ايتىپ, "اۋىر جاراقات الدىم" دەسە, قوڭىراۋعا جاۋاپ بەرگەن كەزەكشٸ سەنبەگەن.
تەك 55 مينۋت ٶتكەن سوڭ جەدەل جەردەم شاقىرتىپتى. ەندٸ وسى جاۋاپسىزدىعى ٷشٸن سۋديا جارتى جالعا باس بوستاندىعىن شەكتەدٸ. سونداي-اق جەبٸرلەنۋشٸ تاراپقا بٸر ميلليون تەڭگە كٶلەمٸندە ٶتەماقى تٶلەيدٸ. بٸراق قۇتقارۋشى تاعىلعان ايىپپەن كەلٸسپەدٸ. ول اپەللياتسييالىق ارىز تٷسٸرەمٸن دەپ وتىر.
"بٸرجانوۆ قر قك 371-بابى, 1-بٶلٸگٸمەن قىلمىستىق قۇقىقبۇزۋشىلىق جاساعانى ٷشٸن كٸنەلٸ دەپ تانىلىپ, وعان التى اي مەرزٸمگە باس بوستاندىعىن شەكتەۋ جازاسى تاعايىندالسىن. جەبٸرلەنۋشٸگە بٸر ميلليون شىعىندى ٶتەسٸن", - دەدٸ اقتٶبە №2 سوتىنىڭ سۋدياسى احمەتقالي مولداعاليەۆ.
