نۇر-مۇباراك ەگيپەت يسلام مادەنيەتى ۋنيۆەرسيتەتى ماماندارى جاستاردىڭ راديكالدى جانە ەكسترەميستىك توپتاردىڭ ىقپالىنا ءتۇسۋ سەبەپتەرىن اتادى، دەپ حابارلايدى Dalanews.kz.
ساراپشىلاردىڭ ايتۋىنشا، مۇنداي اعىمدارعا كوبىنە الەۋمەتتىك جانە ەكونوميكالىق قيىندىقتارعا تاپ بولعان جاستار بەيىم كەلەدى. سونىمەن قاتار، ءبىلىم المايتىن، جۇمىس ىستەمەيتىن جانە كاسىبي داعدىلارى جوق NEET ساناتىنداعى جاستار دا ءقاۋىپ توبىندا.
ماماندار ءدىني ىزدەنىس ۇستىندەگى، ءبىراق اقپاراتتى سەنىمسىز نەمەسە كۇماندى دەرەككوزدەردەن الاتىن جاستاردىڭ دا تاۋەكەلگە ءجيى ۇشىرايتىنىن اتاپ ءوتتى. بۇعان قوسا، دۇنيەتانىمى تولىق قالىپتاسپاعان، ومىردە ءوز ورنىن ىزدەپ جۇرگەن جاسوسپىرىمدەر مەن جاستار، سونداي-اق قوعامدا ادىلەتسىزدىككە نەمەسە كەمسىتۋشىلىككە تاپ بولعان ازاماتتار دا راديكالدى يدەيالارعا ەرىپ كەتۋى مۇمكىن.
ساراپشىلاردىڭ پىكىرىنشە، ءدىني جانە قۇقىقتىق ساۋاتتىلىقتىڭ تومەندىگى دە نەگىزگى فاكتورلاردىڭ ءبىرى. وسىعان بايلانىستى جاستار اراسىندا ءاقپاراتتىق-تۇسىندىرۋ جۇمىستارىن كۇشەيتۋ ماڭىزدى.
