قازاقستاننىڭ ادىلەت مينيسترلىگى كەيبىر ايىپپۇل سوماسىن ازايتاتىن "قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى" زاڭىنىڭ جوباسىن دايىندادى.
زاڭ جوباسى وسى ايدا پارلامەنتى ءماجىلىسىنىڭ قاراۋىنا ەنگىزىلەدى.
اكىمشىلىك قۇقىق بۇزۋشىلىق تۋرالى كودەكستىڭ 602-بابىندا قاراستىرىلعان سىرتقى جارىق ءتۇسiرۋ اسپاپتارىن قولدانۋ ەرەجەسى كۇندىزگى ۋاقىتتا بۇزىلعان جاعدايدا ەسكەرتۋ نەمەسە 3 اەك (ال ءقازىر - 5 اەك) كولەمىندە ايىپپۇل سالۋ، ال تۇنگى ۋاقىتتا نەمەسە كورۋ مۇمكىندىگى ناشار جاعدايدا 5 اەك كولەمىندە ايىپپۇل سالۋ ۇسىنىلادى.
اكىمشىلىك قۇقىق بۇزۋشىلىق تۋرالى كودەكستىڭ 592-بابىندا قاراستىرىلعان كولiك قۇرالدارى جۇرگiزۋشiلەرىنiڭ بەلگiلەنگەن ءجۇرۋ جىلدامدىعىن ساعاتىنا وننان جيىرماعا ارتتىرۋى جاعدايىندا 5 اەك كولەمىندە ايىپپۇل سالۋ ۇسىنىلادى (ال ءقازىر - 10 اەك)؛
كولىك قۇرالدارىنىڭ كولدەنەڭ باعىتتاعى جول جۇرىسىنە كەدەرگى كەلتىرۋگە (كەپتەلىسكە) اكەپ سوققان كەپتەلىس پايدا بولعان جاعدايدا جول قيىلىسىنا شىعۋ نەمەسە جولدىڭ ءجۇرۋ بولىگىن كەسىپ ءوتۋ جازاسىن (592-باپ) 10 اەك-تەن 3 اەك-كە دەيىن تومەندەتۋ ۇسىنىلادى، سونىمەن قاتار، بالاما نەگىزدە ەسكەرتۋ تۇرىندەگى اكىمشىلىك ءوندىرىس بەكىتىلەدى. ال بۇل زاڭبۇزۋشىلىق قايتالانعان جاعدايدا سالىناتىن ايىپپۇل كولەمىن 15 اەك-تەن 7 اەك-كە دەيىن تومەندەتۋ ۇسىنىلادى (594-باپ).
كولiك قۇرالىن جولدىڭ ءجۇرۋ ءبولiگiندە ورنالاستىرۋ، قارسى ءجۇرiپ ءوتۋ نەمەسە جولدىڭ ءجۇرۋ ءبولiگiنiڭ قارسى باعىتتا جۇرۋگە ارنالعان جاعىنا شىقپاي، باسىپ وزۋ قاعيدالارىن بۇزۋ، سول سياقتى ۇيىمداسقان كولiك كولونناسىن نەمەسە جاياۋ كولوننانى كەسiپ ءوتۋ نە ونىڭ اراسىنان ورىن الۋ (596-باپ) جازاسىن 20 اەك-تەن 15 اەك-كە دەيىن تومەندەتۋ ۇسىنىلادى.
كولiك قۇرالدارىن توقتاتۋ نەمەسە توقتاپ تۇرۋ قاعيدالارىن بۇزۋدى قاراستىراتىن 597-باپتىڭ التى بولىگىندەگى ايىپپۇل سومالارى 5 اەك-كە قىسقارادى.
باعدارشامنىڭ تىيىم سالاتىن سيگنالىنا نەمەسە رەتتەۋشiنiڭ تىيىم سالاتىن قيمىلىنا قاراماي ءوتۋ زاڭبۇزۋشىلىعىن قايتالاپ بۇزعان جاعدايدا سالىناتىن ايىپپۇلدى 20-دان 15 اەك-كە (599-باپ) تومەندەتۋ ۇسىنىلادى. جاياۋ جۇرگiنشiلەردىڭ نەمەسە جول ءجۇرiسiنiڭ وزگە دە قاتىسۋشىلارىنىڭ ءجۇرۋiنە باسىمدىق بەرمەۋ زاڭبۇزۋشىلىعىن قايتالاپ جاساعاندا سالىناتىن 20 اەك ايىپپۇلدى 15 اەك-كە تومەندەتۋ ۇسىنىلادى.
603-باپتا قاراستىرىلعان iرi كاسiپكەرلiك سۋبەكتiلەرiءنىڭ كولiك قۇرالىنا ارنايى جارىق جانە (نەمەسە) دىبىس سيگنالدارىن بەرۋگە ارنالعان قۇرىلعىلاردى ورناتۋ قاعيدالارىن بۇزۋ نە جەدەل جانە ارنايى قىزمەتتەر اۆتوموبيلدەرiنiڭ ارنايى ءتۇستi-گرافيكالىق سحەمالارىن زاڭسىز جازۋ زاڭبۇزۋشىلىعىنىڭ ايىپپۇلىن 500 اەك-كە تومەندەتۋ ۇسىنىلىپ وتىر. 615-باپتا قاراستىرىلعان جاياۋ جۇرگiنشiلەردiڭ جانە جول جۇرىسىنە وزگە دە قاتىسۋشىلاردىڭ جول ءجۇرىسى قاعيدالارىن بۇزۋعا سالىناتىن ايىپپۇلدى 15 اەك-تەن 10 اەك-كە دەيىن تومەندەتۋ ۇسىنىلادى.
