ەڭبەك جەنە حالىقتى ەلەۋمەتتٸك قورعاۋ مينيسترٸنٸڭ بۇيرىعىمەن قانداستار مەن قونىس اۋدارۋشىلاردى قابىلداۋدىڭ 2025 جىلعا ارنالعان ٶڭٸرلٸك كۆوتاسى 9 653 ادام دەپ بەلگٸلەندٸ, بۇل بىلتىرعى جىلمەن سالىستىرعاندا 170 ادامعا ارتىق, دەپ حابارلايدى Dalanews.kz.
بۇيرىقتىڭ ماقساتى قازاقستان رەسپۋبليكاسى ٷكٸمەتٸ ايقىندايتىن ٶڭٸرلەردە قانداستار مەن قونىس اۋدارۋشىلاردى وڭتايلى قونىستاندىرۋ. 2025 جىلى ٶڭٸرلٸك كۆوتا وبلىستار بويىنشا تٶمەندەگٸدەي بٶلٸندٸ:
- قانداستار ٷشٸن: پاۆلودار وبلىسى – 1 056 ادام, اقمولا وبلىسى – 285 ادام, شىعىس قازاقستان وبلىسى – 269 ادام, اباي وبلىسى – 244 ادام, سولتٷستٸك قازاقستان وبلىسى – 175 ادام, قوستاناي وبلىسى – 150 ادام, اتىراۋ وبلىسى – 100 ادام, باتىس قازاقستان وبلىسى – 30 ادام;
- قونىس اۋدارۋشىلار ٷشٸن: پاۆلودار وبلىسى – 3 050 ادام, سولتٷستٸك قازاقستان وبلىسى – 2 969 ادام, قوستاناي وبلىسى – 535 ادام, شىعىس قازاقستان وبلىسى – 372 ادام, اباي وبلىسى – 255 ادام, ۇلىتاۋ وبلىسى – 125 ادام, قاراعاندى وبلىسى – 38 ادام.
قانداستار مەن قونىس اۋدارۋشىلاردى قابىلداۋدىڭ ٶڭٸرلٸك كۆوتاسىنا ەنگٸزٸلگەن ادامدارعا مەملەكەتتٸك قولداۋ شاراسى كٶرسەتٸلەتٸن بولادى, اتاپ ايتقاندا:
- كٶشۋگە سۋبسيدييالار – وتباسىنىڭ ەربٸر مٷشەسٸنە 70 اەك بويىنشا بٸرجولعى تٶلەم;
- 12 اي ٸشٸندە بٸر وتباسىنا 15-تەن 30 اەك-كە دەيٸن تٶلەنەتٸن تۇرعىن ٷيدٸ جالداۋ (جالعا الۋ) جەنە كوممۋنالدىق قىزمەتتەرگە اقى تٶلەۋ بويىنشا شىعىستاردى جابۋ ٷشٸن سۋبسيدييالار;
- 400 اەك مٶلشەرٸندە قونىس اۋدارۋعا جەردەم كٶرسەتەتٸن جۇمىس بەرۋشٸلەر ٷشٸن سۋبسيدييالار;
- قىسقا مەرزٸمدٸ كەسٸپتٸك وقىتۋعا جولداما;
- جۇمىسقا ورنالاسۋعا نەمەسە كەسٸپكەرلٸك باستامانى دامىتۋعا جەردەمدەسۋ;
- تۇرعىن ٷي ساتىپ الۋعا ەكونوميكالىق موبيلدٸلٸك سەرتيفيكاتتارىن بەرۋ.
ەستەرٸڭٸزگە سالا كەتەيٸك, 2024 جىلى 19,7 مىڭنان استام ەتنيكالىق قازاق تاريحي وتانىمەن تابىسىپ, قانداس مەرتەبەسٸن الدى.
1991 جىلدان باستاپ 2025 جىلعى 1 قاڭتار ارالىعىندا 1 ملن 148 مىڭ استام ەتنيكالىق قازاق تاريحي وتانىنا ورالدى.
