بٷگٸن قىزىلوردا وبلىسىنىڭ ەكٸمٸ نۇرلىبەك نەلٸباەۆتىڭ قاتىسۋىمەن بۇقارالىق اقپارات قۇرالدارى قىزمەتكەرلەرٸ كٷنٸنە ارنالعان «قاناتتى قالام – 2025» سالتاناتتى شاراسى ٶتتٸ. باسقوسۋعا مەدەنيەت جەنە اقپارات ۆيتسە-مينيسترٸ ايبەك سىدىقوۆ, ٶڭٸردٸڭ باق سالاسى مەن زييالى قاۋىم ٶكٸلدەرٸ, قۇقىق قورعاۋ جەنە جاۋاپتى سالا باسشىلارى قاتىستى,- دەپ حابارلايدى Dalanews.kz
ايماق باسشىسى جۋرناليستەردٸ كەسٸبي مەرەكەمەن قۇتتىقتاپ, ٶڭٸردەگٸ باستامالار مەن جاڭاشىلدىقتاردى حالىققا جەتكٸزۋدەگٸ قالامگەرلەر رٶلٸنە توقتالدى.
«بٷگٸنگٸ مەرەكە - مەرزٸمدٸ باسىلىمدار مەن تەلەارنالاردا, اقپاراتتىق اگەنتتٸكتەر مەن سايتتاردا قىزمەت جاسايتىن شىعارماشىلىق ٶكٸلدەرٸنٸڭ, جۋرناليست جاساعان سيۋجەت پەن جازعان ماقالانىڭ تەحنيكالىق, كٶركەمدٸك تۇرعىدان تولىققاندى جارىققا شىعۋىنا ەڭبەك سٸڭٸرەتٸن وپەراتور, ديزاينەر, رەجيسسەر, ينجەنەرلەردٸڭ مەرەيلٸ كٷنٸ.
سٸزدەر جاڭا بەتبۇرىستار كەزەڭٸندە قوعام مەن بيلٸكتٸڭ اراسىندا التىن كٶپٸر بولىپ, جۇرتشىلىققا رەفورمالاردىڭ ماڭىزدىلىعىن جەتكٸزۋدە جاۋاپتى مٸندەت اتقارىپ كەلەسٸزدەر.
مەرەكە قارساڭىندا پرەزيدەنتٸمٸز قاسىم-جومارت كەمەلۇلى بۇقارالىق اقپارات قۇرالدارىنىڭ بٸر توپ قىزمەتكەرلەرٸن اقوردا تٶرٸندە قابىلداپ, مەملەكەتتٸك ناگرادالار تابىستادى. سالتاناتتى قابىلداۋدا جەرلەسٸمٸز, اقپارات سالاسىندا ايانباي ەڭبەك ەتٸپ جٷرگەن «Qyzylorda» تەلەارناسىنىڭ ديرەكتورى ەميشا نۇربەك شىنتەمٸرۇلى «ەرەن ەڭبەگٸ ٷشٸن» مەدالٸمەن ناگرادتالدى. بۇل - سىر جۋرناليستيكاسىنىڭ بٷگٸنگٸ بەتالىسىنا بەرٸلگەن جوعارى باعا.
مەملەكەت باسشىمىز بٸرلٸك پەن بەرەكەنٸڭ, ٶنەر مەن مەدەنيەتتٸڭ قۇتتى ۇياسى بولعان سىر ٶڭٸرٸن التىن بەسٸككە تەڭەپ, ايرىقشا باعاسىن بەرگەن ەدٸ.
وسىدان 100 جىل بۇرىن قىزىلوردا ەلٸمٸزدٸڭ تۇڭعىش استاناسى بولعان تۇستا ەلەۋمەتتٸڭ رۋحاني ٶمٸرٸندە ەرەكشە سەرپٸلٸس جاسالدى. تاريحي كەزەڭدە رەسپۋبليكالىق مەرزٸمدٸ باسىلىمداردىڭ بارلىعى كٶشٸرٸلدٸ. ۇلتتىق سٶز ٶنەرٸنٸڭ مايتالماندارى, الاش زييالىلارى سەكەن سەيفۋللين, بەيٸمبەت مايلين, جٷسٸپبەك ايماۋىتوۆ, سەبيت مۇقانوۆ جۋرناليستٸك شەبەرلٸكتەرٸن شىڭداپ, حالىققا اقپارات تاراتۋ ٸسٸنە بەلسەنە قاتىستى.
«الاشتىڭ اناسى» اتانعان قاسيەتتٸ سىر ٶڭٸرٸنٸڭ ۇلتتىق جۋرناليستيكا تاريحىندا ايرىقشا ورنى بار. قازاق تاريحىنداعى ماڭىزدى وقيعالار قىزىلوردا – ۇلت باسپاسٶزٸ مەن جۋرناليستيكاسىنىڭ رۋحاني استاناسى ەكەنٸن ايقىن دەلەلدەيدٸ. تاريحي سەتتەردٸڭ كۋەسٸ بولعان ارداگەرلەرٸمٸز بٷگٸندە ورتامىزدا. «سىر بويىمەن» بٸرگە سىرلاسىنداي ٶمٸر سٷرٸپ كەلە جاتقان قازاقستاننىڭ قۇرمەتتٸ جۋرناليستەرٸ – شەكٸرات دەرماعانبەتوۆ, قايىربەك مىرزاحمەتوۆ اعالارىمىز بەن رىستى بەكبەرگەنوۆا اپامىز مەرەيلٸ 90 جاستىڭ ٷستٸنە شىقتى. وسى گازەتتەردەن شىققان شىعارماشىلىق ٶكٸلدەرٸ ەلٸمٸزگە تانىلىپ, قازاق ەدەبيەتٸندە ٶزٸندٸك ٸزٸن قالدىردى. ولار: اسقار توقماعانبەتوۆ, جاقسىلىق تٷمەنباي, تىنىمباي نۇرماعانبەتوۆ, ەسكەربەك راحىمبەكوۆ, اسقار كٸرەباەۆ, قازي داناباەۆ, جولتاي جۇمات سەكٸلدٸ بەلگٸلٸ اقىن-جازۋشىلار.
ايماعىمىزدا پرەزيدەنتٸمٸزدٸڭ تاپسىرماسىمەن, ٷكٸمەتتٸڭ قولداۋىمەن جٷزەگە اسىرىلعان جۇمىستاردى, يگٸ باستامالاردى حالىق اراسىندا كەڭٸنەن ناسيحاتتاۋدا قالالىق, اۋداندىق باسىلىمدارمەن قاتار «حالىق», «ەلٸمساق», «ۇستاز مەرتەبەسٸ», «تٸل ساقشىسى», «سىر مەكتەبٸ» سەكٸلدٸ گازەت-جۋرنالدار مەن ينتەرنەت رەسۋرستارداعى بٸرنەشە اقپاراتتىق اگەنتتٸك بەلسەندٸ قىزمەت اتقارۋدا.
سىر ٶڭٸرٸنٸڭ جىلناماسىن, تەۋەلسٸزدٸك شەجٸرەسٸن جاساۋداعى قاجىرلى ەڭبەكتەرٸڭٸز ٷشٸن سٸزدەرگە زور ريزاشىلىعىمدى, العىسىمدى بٸلدٸرەمٸن.
اقپارات ايدىنىندا زامان كٶشٸنەن قالماي, جاڭا مەديانى مەڭگەرٸپ, ەلدٸكتٸ ساقتاۋ, ازاتتىقتى باياندى ەتۋ جولىندا ابىرويلى قىزمەت اتقارا بەرٸڭٸزدەر! مەرەيلٸ مەرەكەدە دەندەرٸڭٸزگە ساۋلىق, شىعارماشىلىقتارىڭىزعا شابىت, وتباسىلارىڭىزعا باق-بەرەكە تٸلەيمٸن!», - دەدٸ ن.نەلٸباەۆ.
مەرەكەلٸك جيىندا سالاعا ٸزدەنٸسٸ مەن كەسٸبي شەبەرلٸگٸن ارناپ, وقىرمان مەن كٶرەرمەن قۇرمەتٸنە بٶلەنگەن جۋرناليستەر ماراپات تٶرٸنەن كٶرٸندٸ. مەملەكەت باسشىسىنىڭ جارلىعىمەن وبلىستىق «سىر بويى» گازەتٸ "رۋحانييات" بٶلٸمٸنٸڭ مەڭگەرۋشٸسٸ, قازاقستان جازۋشىلار جەنە جۋرناليستەر وداعىنىڭ مٷشەسٸ دٷيسەنبەك بەركٸنباەۆ «قۇرمەت» وردەنٸمەن, رەسپۋبليكالىق «كازاحستانسكايا پراۆدا» گازەتٸنٸڭ مەنشٸكتٸ تٸلشٸسٸ ەلٸبەك بايشٷلەنوۆ پەن "قوعام تۆ" ارناسىنىڭ شەف-رەداكتورى بايان قۇلتانوۆا «ەرەن ەڭبەگٸ ٷشٸن» مەدالٸمەن ماراپاتتالدى. سونداي-اق, بٸرقاتار تٸلشٸلەرگە وبلىستىڭ ەڭ جوعارعى ناگراداسى - قىزىلوردا وبلىسىنىڭ «قۇرمەت» گراموتاسى, وبلىس ەكٸمٸنٸڭ العىس حاتى مەن نوميناتسييالار تابىستالدى.
بٷگٸندە سىر جۋرناليستيكاسىنىڭ تاريحى ٶزٸنٸڭ عاسىرلىق بەلەسٸنە جاقىندادى. ٶتكەن جىلى ەلٸمٸزدەگٸ ەڭ بايىرعى باسىلىمداردىڭ بٸرٸ - وبلىستىق «سىر بويى» گازەتٸنٸڭ جارىققا شىققانىنا 95 جىل تولسا, بيىل «كىزىلوردينسكيە ۆەستي» گازەتٸ 95 جىلدىعىن اتاپ ٶتۋدە. جالاعاش اۋداندىق «جالاعاش جارشىسى» باسىلىمىنا 90 جىل, شيەلٸ اۋداندىق «ٶسكەن ٶڭٸر», سىردارييا اۋداندىق «تٸرشٸلٸك تىنىسى» گازەتتەرٸنە 85 جىل, قىزىلوردا قالالىق «اقمەشٸت اپتالىعى» گازەتٸنٸڭ جارىق كٶرگەنٸنە 30 جىل تولدى.
