32 جاستاعى قازاقستاندىق بوكسشى قانات يسلام (22-0-0، 18 كو) الداعى ۋاقىتتا مەكسيكالىق ساۋل الۆارەسپەن كەزدەسۋگە دايىن ەكەنىن ايتتى، دەپ جازادى Vesti.kz.
«مەنىڭ قازاقستانداعى جانكۇيەرلەرىم بۇل جەكپە-جەكتى كورۋگە اسىعىپ وتىر. مەنىڭ كوماندام دا بۇل كەزدەسۋدى ۇيىمداستىرعىسى كەلەدى. مۇمكىندىك بولاتىن بولسا، ساۋل الۆارەسپەن كەزدەسۋگە دايىنمىن»، - دەپ كەلتىردى وتانداسىمىزدىڭ ءسوزىن Boxingscene.com پورتالى.
ايتا كەتەيىك، ءبىرىنشى ورتا سالماقتاعى WBO Intercontinental جانە WBA Federatin تۇجىرىمدارى بويىنشا الەم چەمپيونى 32 جاستاعى وتانداسىمىز كەلەسى كەزدەسۋىن 17 اقپان كۇنى ۋيلمينگتون قالاسىندا (اقش، دەلاۆەر شتاتى) برازيليالىق روبسوك اسسيسكە قارسى وتكىزەدى.
دەرەككوز: baq.kz
