ماسەلەن، اۋداندا «پريما قۇس» جشس-نىڭ قۇس ەتىن ءوندىرىپ، وڭدەيتىن كەشەنىن اشۋ جوسپارلانىپ وتىر. نىسان بيىلعى جىلدىڭ مامىر ايىندا سالىنا باستاعان، 2022 جىلدىڭ قازانىندا العاشقى ءونىم شىعارالادى دەپ كۇتىلۋدە. ەكسپورتقا باعىتتالعان كاسىپورىن ءۇش كەزەڭمەن ىسكە اسىرىلادى. وعان بارلىعى 97 ملرد. تەڭگە ينۆەستيسيا تارتىلىپ، 1500-دەي جۇمىس ورنى اشىلادى. I كەزەڭىندە قۇراما جەم زاۋىتى، 24 تاۋىق كۇركە، ينكۋباتور، برويلەر سەمىرتەتىن 2 الاڭ سالىنادى. بۇل رەتتە نەگىزگى تراسسادان قۇس فابريكاسىنا دەيىن جول توسەۋگە مەملەكەت قولداۋى قاجەت. سول سياقتى جەرگىلىكتى كادرلار دايارلاۋدا، ينكۋباسيالىق جۇمىرتقا ءوندىرىسىن كەڭەيتۋ ءۇشىن قوسىمشا جەر ۋچاسكەسىن بولۋگە دە كومەك كەرەك. قانات بوزىمبايەۆ ايتىلعان وسى ماسەلەلەردى زەرتتەپ قاراۋدى تاپسىردى. سونىمەن بىرگە جەرگىلىكتى تۇرعىنداردان مامان دايارلاۋ بارىسىندا «اتامەكەن» وڭىرلىك كاسىپكەرلەر پالاتاسىنىڭ قولداۋىمەن «ەڭبەك» باعدارلاماسىنىڭ مۇمكىندىكتەرىن پايدالانا وتىرىپ ۇيىمداستىرۋدى ۇسىندى.
وسى كۇنى وبلىس باسشىسى جۇمىس ىستەپ تۇرعان «OTAN «Green Food» جشس-نىڭ «Aiser» قۇس فابريكاسىنا دا باردى. بۇل نىسان جىلىنا 30 مىڭ توننا قۇس ەتىن وندىرەدى. ونى ىسكە قوسۋ بارىسىندا 20 ملرد. تەڭگە ينۆەستيسيا تارتىلعان، 1200 جۇمىس ورنى اشىلعان. كاسىپورىن قۇس ەتى ءوندىرىسىنىڭ تولىق سيكلىن قامتاماسىز ەتىپ وتىر. اتاي ايتقاندا، مۇندا ينكۋباسيا، برويلەر بالاپاندارىن ءوسىرۋ، قۇراما جەم شىعارۋ، وڭدەۋ، ساقتاۋ، نارىققا شىعارۋ – ءبارى-بارى قامتىلعان. وبلىس اكىمى اكسيونەرلەرگە قۇس فابريكاسىنىڭ قۋاتىن 50 مىڭ تونناعا دەيىن ارتتىرۋدى ۇسىندى. ولاردىڭ ءوز شيكىزاتىنان سويا ءوسىرىپ، قۇس ازىعىن وندىرۋگە كەرەكتى جەر ۋچاسكەسىن ءبولۋ تۋرالى وتىنىشتەرىنە قولداۋ بىلدىرەتىنىن ايتتى. وبلىس باسشىسى جەر تەلىمىن ءبولۋ ماسەلەسى شەشىلگەنشە كومپانيا باسشىلىعى ءوز تاراپىنان جوبانى دايىنداي بەرۋ كەرەكتىگىن دە جەتكىزدى.
قانات بوزىمبايەۆ وڭىردەگى ب ا ق شارۋاشىلىعىنا دا نازار اۋداردى. ب ا ق ءوسىرۋ – اۋداننىڭ باسىمدىق بەرىپ وتىرعان باعىتتارىنىڭ ءبىرى. «شونجى اگرو» جشس-نىڭ 500 گا جەرىندە ورىك پەن قارا ورىكتىڭ ءتۇرلى سورتتارى، شيە مەن شابدالى وسىرىلەدى. باقتان 7 مىڭ توننا ءونىم جينالادى دەپ كۇتىلىپ وتىر. كاسىپورىن ديرەكتورى ءدىلمۇرات قايىربەكوۆ ب ا ق سۋارۋدا سۋدىڭ ۇزدىكسىز جانە دەر كەزىندە بەرىلۋى ماڭىزدى ەكەنىن ايتتى. ول ءۇشىن كوكتەمگە دەيىن كانالداردى اعىمداعى جوندەۋدەن وتكىزۋ كەرەك. بۇل رەتتە ق.بوزىمبايەۆ قاجەتتى كومەك كورسەتۋدى اۋدان اكىمىنە تاپسىردى.
وبلىس اكىمى قۇرىلىسىندا قيىندىقتار تۋىنداعان دەنە شىنىقتىرۋ-ساۋىقتىرۋ كەشەنىنىڭ قۇرىلىسىن بارىپ كوردى. شونجىدا تۇرعىزىلىپ جاتقان بۇل نىسان مەردىگەر ۇيىم وكىلدەرىنىڭ ايتۋىنشا، الداعى جىلدىڭ قازان ايىنان كەشىكتىرمەي قولدانىسقا بەرىلەدى. قانات الدابەرگەن ۇلى بولاشاقتا مۇنداي جوبالاردى جوسپارلاعان كەزدە شىعىنىن ازايتىپ، پايدالى الاڭ كولەمىن ارتتىرىپ، سپورت نىساندارىنىڭ ءتيپتى جوبالارىن دايىنداۋ كەرەكتىگىن ەسكەرتتى.
ساپار بارىسىندا قانات بوزىمبايەۆ اۋدان اكتيۆىمەن جۇزدەسىپ، ءوڭىردىڭ دامۋ جاعدايى تۋرالى ماسەلەلەردى بىرلەسىپ تالقىلادى. اۋدان اكىمى شۋحرات نۋراحۋنوۆ اتقارىلعان جۇمىستار مەن الداعى جوسپارلارعا قىسقاشا توقتالدى. سول سياقتى الماتى وبلىسىنىڭ قۇرمەتتى ازاماتى ىزعاربەك بەكتۇرسىنوۆ جانە باسقا دا ازاماتتار اۋداننىڭ اۋىل شارۋاشىلىق الەۋەتىن ءتيىمدى پايدالانۋعا قاتىستى وي-پىكىرلەرىمەن ءبولىستى.
جيىن قورىتىندىسىندا وبلىس اكىمى ەلدى مەكەندەردى ورتالىقتاندىرىلعان اۋىز سۋمەن قامتۋ، توزىعى جەتكەن اۋىز سۋ جۇيەلەرىن جاڭعىرتۋ، ازىق-تۇلىك وندىرىسىنە ينۆەستيسيا تارتۋ، ءىرى قارا مال باسىنىڭ، ءسۇت ءوندىرىسىنىڭ تومەندەۋىنە جول بەرمەۋ، جاستاردىڭ بوس ۋاقىتىن ءتيىمدى ۇيىمداستىرۋ ماسەلەلەرىنە قاتىستى تاپسىرمالار بەردى.
– ۇيعىر اۋدانى اۋىل شارۋاشىلىعىنا نەگىزدەلگەن ءوڭىر. سوندىقتان اگرارلىق سالاعا ينۆەستيسيا تارتۋ ەڭ ماڭىزدى باسىمدىقتاردىڭ ءبىرى بولۋى كەرەك. بۇل رەتتە سۋارۋ جۇيەلەرىن جوندەۋ، سۋارمالى جەرلەردى اينالىمعا قوسۋ جانە باسقا دا اۋدان تۇرعىندارى تاراپىنان بۇگىنگى ايتىلعان ۇسىنىستاردى ەسكەرىڭىزدەر. قاڭتار ايىندا وسى اۋداننىڭ پروبلەمالارىن، ونى شەشۋ باعىتتارىن وبلىس اكىمدىگىنىڭ وتىرىسىندا تالقىلايتىن بولامىز. قانداي رەسۋرستار كەرەك، قانشا قارجىنى تالاپ ەتەدى، قانشا ۋاقىتتا ىسكە اسىرىلادى – سونىڭ ءبارىن بىرلەسىپ انىقتايمىز، – دەدى قانات بوزىمبايەۆ.
