قازاقستان رەسپۋبليكاسى پرەمەر-مينيسترٸنٸڭ ورىنباسارى قانات بوزىمباەۆ سۋ تاسقىنى كەزەڭٸنە دايىندىق مەسەلەلەرٸ بويىنشا كەڭەس ٶتكٸزدٸ. جيىندا ول سۋ شارۋاشىلىعى نىساندارىنىڭ, جولدار مەن كٶپٸرلەردٸڭ, سونداي-اق ەرەكەت ەتۋ كٷشتەرٸ مەن قۇرالدارىنىڭ دايىندىق دەڭگەيٸن تەكسەردٸ, دەپ حابارلايدى Dalanews.kz.
سونىمەن قاتار, ۆيتسە-پرەمەر «Talsim» جٷيەسٸنٸڭ بولجامدى دەرەكتەرٸمەن جەنە «Tasqyn» جٷيەسٸندەگٸ سۋ تاسقىنى جاعدايىن مودەلدەۋ نەتيجەلەرٸمەن تانىستى.
كەڭەس بارىسىندا قاۋٸپ دەڭگەيٸ جوعارى ايماقتارعا جاتقىزىلعان ٶڭٸرلەردٸڭ ەسەپتەرٸ دە تىڭدالدى.
رەسمي مەلٸمەتكە سەيكەس, ٶڭٸرلەردە سۋ تاسقىنىنىڭ الدىن الۋعا باعىتتالعان جۇمىستاردىڭ ەدەۋٸر بٶلٸگٸ اتقارىلعان. اتاپ ايتقاندا, 831 شاقىرىم قورعانىس بٶگەتٸ مەن ٷيٸندٸلەر سالىنعان, 1 مىڭ شاقىرىمنان استام درەناج جٷيەسٸ, كانالدار مەن ارىقتار جٶندەلٸپ, قايتا سالىنعان.
سونداي-اق اۆتوموبيل جەنە تەمٸرجول ۋچاسكەلەرٸندە 934 سۋ ٶتكٸزۋ قۇرىلىسى ورناتىلىپ نەمەسە اۋىستىرىلعان. شىعىس قازاقستان جەنە قوستاناي وبلىستارىندا كٶپٸرلەرگە كٷردەلٸ جٶندەۋ جۇمىستارى جٷرگٸزٸلگەن.
قانات بوزىمباەۆ ٶڭٸر ەكٸمدٸكتەرٸنە سۋ تاسقىنىنا دايىندىقتى 2026 جىلعى 1 ناۋرىزعا دەيٸن تولىق اياقتاۋدى تاپسىردى.
